പാനൂര്‍: എസ്.എസ്.എല്‍.സി,പ്ലസ്ടു വിദ്യാര്‍ഥികള്‍ക്കായി എം.എസ്.എഫിന്റെ നേതൃത്വത്തില്‍ പരീക്ഷാ മുന്നൊരുക്കം സംഘടിപ്പിച്ചു. വരുന്ന പൊതു പരീക്ഷയില്‍ ഉയര്‍ന്ന മാര്‍ക്ക് വാങ്ങി വിജയിപ്പിക്കുന്നതിനും പരീക്ഷ വേളയില്‍ ഉണ്ടാകാവുന്ന മാനസിക പിരിമുറുക്കത്തില്‍ നിന്ന് അവരെ ബോധവാന്മാരാക്കുന്നതിനുമായി എം.എസ്.എഫ് സംസ്ഥാന വ്യാപകമായി സംഘടിപ്പിച്ചിട്ടുള്ള പരീക്ഷാ മുന്നൊരുക്കം പരിപാടിയുടെ ഭാഗമായാണ് എം.ഐ ട്രസ്റ്റ് ഇംഗ്ലീഷ് മീഡിയം സ്‌കൂളിലും നടത്തിയത്.
തൃക്കുന്നപ്പുഴ ഗ്രാമ പഞ്ചായത്ത് പ്രസിഡന്റ് അമ്മിണി ടീച്ചര്‍ ഉദ്ഘാടനംചെയ്തു. തൃക്കുന്നപ്പുഴ പഞ്ചായത്ത് പ്രസിഡന്റ് മാഹീന്‍ മുഹമ്മദ് സാലിയുടെ അധ്യക്ഷത വഹിച്ചു. ഹരികുമാര്‍, ഫക്രുദ്ധീന്‍ അലി അഹമ്മദ് ബോധവല്‍ക്കരണ ക്ലാസുകള്‍ക്ക് നേതൃത്വം നല്‍കി. സിയാര്‍ തൃക്കുന്നപ്പുഴ,എം.പി പ്രവീണ്‍,എ.എ റഷീദ് പാനൂര്‍,നവാസ് എച്ച്. പാനൂര്‍, അല്‍ത്താഫ് സുബൈര്‍, സദ്ദാം ഹരിപ്പാട്,സി.കെ ഷാനവാസ് തുടങ്ങിയവര്‍ സംസാരിച്ചു.
തുടര്‍ന്ന്. പല്ലന എം.കെ.എ.എം.എച്ച്.എസ്.എസ് അധ്യാപകനായ ഹരികുമാറിനെ ആദരിച്ചു. കേരള യൂനിവേഴ്‌സിറ്റിയില്‍ നിന്ന് എം.എ അറബി ഉയര്‍ന്ന മാര്‍ക്കോടെ വിജയിച്ച ഷംല റഷീദ്, എസ്.എസ്.എല്‍.സി പരീക്ഷയില്‍ ഉന്നത വിജയം നേടിയ ഗോവിന്ദ് എസ്. പാല്‍, ഫാത്തിമ നവാസ്,താഹിറ താഹ,അന്‍സിയ അബൂബക്കര്‍,മുഹ്‌സിന കോയ,സുഫ്‌നാസ് നാസര്‍ എന്നീ വിദ്യാര്‍ഥികള്‍ക്കും എം.എസ് എഫ് തൃക്കുന്നപ്പുഴ പഞ്ചായത്ത് കമ്മറ്റിയുടെ ഉപഹാരം സമര്‍പ്പിച്ചു. മുഹമ്മദ്കുഞ്ഞ് തൈപ്പറമ്പില്‍,അബൂബക്കര്‍ അണ്ടോളി തുടങ്ങിയവര്‍ സംബന്ധിച്ചു. ഷാഫി പാനൂര്‍ സ്വാഗതവും ഇര്‍ഫാന്‍ നന്ദിയും പറഞ്ഞു.