ജോധ്പൂര്‍: രാജസ്ഥാനില്‍ മിഗ് 27 വിമാനം തകര്‍ന്നുവീണു. മൂന്ന് ഗ്രാമീണര്‍ക്ക് പരുക്കേറ്റതായി റിപ്പോര്‍ട്ടുണ്ട്. വിമാനത്തിന്റെ പൈലറ്റുമാര്‍ അത്ഭുതകരമായി രക്ഷപ്പെട്ടു.

ജോധ്പൂരില്‍ നിന്നും അഞ്ച് കിലോമീറ്റര്‍ മാറി ജനവാസ മേഖലയിലാണ് വ്യോമസേനയുടെ യുദ്ധവിമാനമായ മിഗ് 27 കെട്ടിടത്തില്‍ ഇടിച്ച് തകര്‍ന്നു വീണത്.

വിമാനം വീണ് സമീപത്തെ രണ്ടു വീടുകള്‍ തകര്‍ന്നിട്ടുണ്ട്. അപകടത്തിന്റെ കാരണം എന്താണെന്ന് വ്യക്തമായിട്ടില്ല്. സംഭവത്തെ കുറിച്ച് അന്വേഷിക്കാന്‍ വ്യോമസേന ഉത്തരവിട്ടു.