പെരുവെമ്പ് : തൊഴിലുറപ്പ് പദ്ധതിയിലുള്ള തൊഴിലാളികള്‍ ഭൂമിയില്‍ അവശേഷിക്കുന്ന പച്ചപ്പുകൂടിയില്ലാതാക്കുന്നതായി പരാതി ഉയരുന്നു. ഭൂമിക്ക് തണുപ്പായി നില്‍ക്കുന്ന ചെടികളെ വെട്ടിക്കൂട്ടി കത്തിക്കുന്നത് വ്യാപകമാകുന്നതായാണ് പരാതി. പട്ടഞ്ചേരി, പെരുവെമ്പ്, കൊഴിഞ്ഞാമ്പാറ, എരുത്തേമ്പതി, വടകരപതി,പെരുമാട്ടി എന്നീ പഞ്ചായത്തുകളിലാണ് കാടുപിടിച്ചു കിടക്കുന്ന കനാലിന്റെ വരമ്പുകളെ തൊഴിലുറപ്പ് തകൊഴിലാളികള്‍ കത്തിക്കുന്നത്. ഇതുമൂലം നിരവധി തണല്‍ വൃഷചെടുകളും അപൂര്‍വ്വയിനം സസ്യങ്ങളും എന്നെന്നും ഇല്ലാതാകുവാന്‍ കാരണമാകുന്നതായി പരിസ്ഥിതി സംഘടനകള്‍ ആരോപിക്കുന്നു. തൊഴിലുറപ്പ് പദ്ധതിയിലൂടെ നടത്തിവരുന്ന പണികളില്‍ സസ്യങ്ങളെ വേരോടെ വെട്ടുകയോ അഗ്നിക്കിരയാക്കുകയെ ചെയ്യരുതെന്ന് കര്‍ശ്ശന വിലക്കുണ്ടായിരിക്കെയാണ് തൊഴിലുറപ്പ് പദ്ധതി നടത്തുന്ന പ്രദേശങ്ങളാകെ കത്തിചാമ്പലാക്കിയ അവസ്ഥയിലുള്ളത്. വേനല്‍ ശക്തമായതിനാല്‍ തീകത്തിക്കല്‍ പിന്നീട് നിയന്ത്രിക്കുവാന്‍ സാധിക്കാതെ നാട്ടുകാരുടെ സഹായം ആവശ്യപ്പെടേണ്ട സാഹചര്യങ്ങള്‍വരെ തൊഴിലുറപ്പ് പദ്ധതിയില്‍ ഉണ്ടായിട്ടും ചെടികളെ അഗ്നിക്കിരയാക്കുന്നതില്‍ നിന്നും തൊഴിലുറപ്പ് സംഘങ്ങള്‍ പിന്‍മാറാത്തത് പ്രതിഷേധത്തിന്റ് ആക്കംകൂട്ടുന്നുണ്ട്. ജൈവസമ്പത്തിനെ കത്തിക്കല്‍ പൂര്‍ണ്ണമായും ഇല്ലാതാക്കുമെന്നും ആരോപണമുണ്ട്.