കൊച്ചി: നടിയെ ആക്രമിച്ച കേസിന്റെ വിചാരണ നടക്കുന്ന മുറിയിലെ ദൃശ്യങ്ങള്‍ പ്രതി മൊബൈലില്‍ പകര്‍ത്തി. കേസിലെ അഞ്ചാം പ്രതി സലീമാണ് മൊബൈല്‍ ഫോണില്‍ കോടതി മുറിയിലെ ദൃശ്യങ്ങള്‍ പകര്‍ത്തിത്. നടന്‍ ദിലീപ് അടക്കമുള്ള പ്രതികള്‍ കോടതി മുറിയില്‍ നില്‍ക്കുന്നതാണ് ദൃശ്യത്തിലുള്ളത്.

ഒന്നാം സാക്ഷിയായ നടി കോടതിയില്‍ എത്തിയ വാഹനത്തിന്റെ ദൃശ്യങ്ങളും ഫോണില്‍ പകര്‍ത്തിയിരുന്നു.

പ്രതി ഫോണില്‍ ചിത്രങ്ങള്‍ പകര്‍ത്തിയെന്ന വിവരം പ്രോസിക്യൂഷനാണ് പൊലിസിനെ അറിയിച്ചത്. തുടര്‍ന്ന് പൊലിസ് മൊബൈല്‍ ഫോണ്‍ പിടിച്ചെടുക്കുകയായിരുന്നു.