നിലമ്പൂര്‍: കാട്ടുമുണ്ട കമ്പനിപ്പടിയില്‍ ഓട്ടുകമ്പനിക്കു സമീപത്തുള്ള ശ്മശാനത്തിന്റെ ഭാഗത്തു പന്നിക്കുവച്ച കെണിയില്‍ നായ അകപ്പെട്ടു. ഒരു പകല്‍ മുഴുവന്‍ മരണവെപ്രാളത്തില്‍ പിടഞ്ഞ നായയെ രക്ഷപ്പെടുത്താന്‍ നാട്ടുകാരില്‍ ചിലര്‍ ശ്രമിച്ചെങ്കിലും ഫലം കണ്ടില്ല. തുടര്‍ന്ന് എമര്‍ജന്‍സി റെസ്‌ക്യൂ ഫോഴ്‌സിനെ വിവരമറിയിക്കുകയായിരുന്നു. ഇ.ആര്‍.എഫ് പ്രസിഡന്റ് ബിബിന്‍ പോള്‍, കോര്‍ഡിനേറ്റര്‍ അബ്ദുല്‍ മജീദ് എന്നിവരെത്തി കേബിള്‍ കുരുക്ക് മുറിച്ച് നായയെ രക്ഷപ്പെടുത്തി.