കൊട്ടാരക്കര:പ്രാക്ടിക്കല്‍ പരീക്ഷയ്ക്കിടയില്‍ പ്ലസ് ടു വിദ്യാര്‍ഥിനിയെ പീഡിപ്പിക്കാന്‍ ശ്രമിച്ച ലാബ് അസിസ്റ്റന്റിനെതിരേ കേസെടുത്തു.
നെടുവത്തൂര്‍ ഈശ്വരവിലാസം ഹയര്‍ സെക്കന്‍ഡറി സ്‌കൂളിലെ ലാബ് അസിസ്റ്റന്റ് എഴുകോണിലെ അദ്വാനി പി.എസി(45)നെതിരേയാണ് കേസ് രജിസ്റ്റര്‍ ചെയ്തത്. കോണ്‍ഗ്രസ് പ്രാദേശിക നേതാവായ ഇയാള്‍ ലാബ് അസിസ്റ്റന്റ് അസോസിയേഷന്റെ സംസ്ഥാന ഭാരവാഹികൂടിയാണ്.
കഴിഞ്ഞ ബുധനാഴ്ച ഉച്ചയ്ക്ക്‌ശേഷമാണ് സംഭവം. രക്ഷകര്‍ത്താക്കള്‍ സ്‌കൂള്‍ അധികൃതര്‍ക്കും ചൈല്‍ഡ് ലൈന്‍ കമ്മിറ്റിക്കും പരാതി നല്‍കുകയായിരുന്നു. ചൈല്‍ഡ് ലൈന്‍ പ്രവര്‍ത്തകര്‍ കുട്ടിയില്‍ നിന്നും മൊഴി രേഖപ്പെടുത്തി കൊട്ടാരക്കര പൊലിസിന് റിപ്പോര്‍ട്ട് കൈമാറി. പൊലിസ് അന്വേഷണം തുടങ്ങിയതോടെ ഇയാള്‍ ഒളിവില്‍ പോകുകയായിരുന്നു.