കൊല്ലം: ബൈപാസില്‍ ആവേശത്തിന്റെ നിമിഷങ്ങള്‍ പകര്‍ന്ന് മുഖ്യമന്ത്രിയുടെ റോഡ് ഷോ.
കാത്തിരിപ്പിന് ഫലംകണ്ട ആഹ്ലാദത്തില്‍ തിങ്ങിനിറഞ്ഞ ജനക്കൂട്ടത്തെ അഭിവാദ്യം ചെയ്തായിരുന്നു മുഖ്യമന്ത്രിയുടെ വാഹനം ബൈപാസിലൂടെ ആദ്യയാത്ര നടത്തിയത്. മുഖ്യമന്ത്രിയുടെ വാഹനത്തിന് പിന്നാലെ തുറന്ന ജീപ്പുകളിലായി മന്ത്രിമാരായ ജെ. മേഴ്‌സിക്കുട്ടിയമ്മ, കെ. രാജു, കെ. സോമപ്രസാദ് എം.പി., എം.എല്‍.എമാരായ എം. നൗഷാദ്, എം. മുകേഷ്, എന്‍. വിജയന്‍പിള്ള, മേയര്‍ അഡ്വ. വി. രാജേന്ദ്രബാബു, ജില്ലാ പഞ്ചായത്ത് പ്രസിഡന്റ് സി. രാധാമണി, ഡെപ്യൂട്ടി മേയര്‍ വിജയ ഫ്രാന്‍സിസ്, മുന്‍ എം.പിമാരായ കെ.എന്‍ ബാലഗോപാല്‍, പി. രാജേന്ദ്രന്‍ തുടങ്ങിയവരും റോഡ് ഷോയുടെ ഭാഗമായി.
ആയിരങ്ങള്‍ ഘോഷയാത്രയായി പങ്കെടുത്ത ഷോയില്‍ ഇരുചക്രവാഹന സംഘവും അണിചേര്‍ന്നു.