റിയാദ്: പ്രവാസ ലോകത്ത് സംഗീതാസ്വാദകരുടെ മനം കവർന്ന ഗായിക ശബാന അൻഷാദ് പാടിയ സംഗീത ആൽബം ‘ഒരു നാൾ’ നാളെ (ശനിയാഴ്ച) പ്രകാശനം ചെയ്യും. റിയാദ് അസീസിയയിലെ അൽമദീന ഹൈപ്പർമാർക്കറ്റ് ഓഡിറ്റോറിയത്തിൽ വൈകീട്ട് 7 മണിക്ക് നടക്കുന്ന പരിപാടിയിൽ വെച്ചാണ്‌ ആൽബം റിലീസ് ചെയ്യുക. ഷാരോൺ ശരീഫാണ്‌ ഒരു നാളിന്റെ സംവിധാനവും നിർമ്മാണവും നിർവ്വഹിച്ചിരിക്കുന്നത്. ബഷീർ വടശ്ശേരി രചനയും സംഗീതവും നിർവ്വഹിച്ച ആൽബത്തിൽ സിബിൻ മാത്യു, ഹരീഷ് മുരളി, രാജീവ് അരീക്കോട്, ബാബുജി കുരുവിള, എം.എസ്.ശിവപ്രസാദ് കൊല്ലം എന്നിവരാണ്‌ മറ്റു അണിയറ ശിൽപ്പികൾ.

പ്രകാശന ചടങ്ങിനോടനുബന്ധിച്ച് ഷജീർ പട്ടുറുമാൽ നയിക്കുന്ന സംഗീത വിരുന്നും ഒരുക്കിയിട്ടുണ്ട്. റിയാദിലെ മറ്റു കലാകാരന്മാരും വിവിധ പരിപാടികൾ അവതരിപ്പിക്കും.