റിയാദ്: റിയാദിൽ നിന്നും ഏകദേശം 200 കി.മി അകലെ മജ്മയിൽ നടന്ന ബസ് അപകടത്തിൽ 16 പേർക്ക് പരിക്കേറ്റു. വ്യാഴാഴ്ച രാത്രിയാണ്‌ റിയാദ്-സുദൈർ റോഡിൽ അപകടം നടന്നത്. പരിക്കേറ്റവരിൽ അഞ്ച് പേരുടെ നില ഗുരുതരമാണ്‌. രണ്ട് പേർ ഹോത്ത സുദൈർ ആശുപത്രിയിലും മറ്റുള്ളവർ മജ്മ കിംഗ് ഖാലിദ് ആശുപത്രിയിലുമാണുള്ളത്. സൗദി റെഡ് ക്രസന്റ് അതോറിറ്റിയുടെ എട്ട് ആംബുലൻസുകൾ അപകട സ്ഥലത്തെത്തിയാണ്‌ പരിക്കേറ്റവരെ ആശുപത്രിയിലേക്ക് മാറ്റിയത്.