പാലക്കാട് : കാലവര്‍ഷം ആരംഭിക്കുന്നതോടെ ഉണ്ടാകുന്ന റോഡ് അപകടങ്ങള്‍ കുറയ്ക്കുക എന്ന ഉദ്ദേശ്യത്തോടെ സംസ്ഥാന പൊലിസ് നടപ്പിലാക്കി വരുന്ന ഓപ്പറേഷന്‍ റെയിന്‍ബോയുടെ ഭാഗമായി കര്‍ശന പൊലിസ് പരിശോധന ആരംഭിച്ചു.
പാലക്കാട് ട്രാഫിക് വിഭാഗത്തിന്റെ ജില്ലാ നോഡല്‍ ഓഫീസറായ ഡി.വൈ.എസ്.പി. വി.എസ്. മുഹമ്മദ് കാസിമിന്റെ നേതൃത്വത്തില്‍ സ്റ്റുഡന്‍സ് പൊലിസ് കേഡറ്റുകളുടെ പങ്കാളിത്തതോടെയാണ് വാഹന പരിശോധന നടത്തുന്നത്. ടയറുകളുടെ ശോചനീയാവസ്ഥ, വൈപ്പറുകള്‍, ബ്രേക്കും ബ്രേക്ക് ലൈറ്റുകള്‍ എന്നിവയുടെ കാര്യക്ഷമത പരിശോധിക്കുകയും മഴക്കാലത്ത് വാഹനം ഓടിക്കുമ്പോള്‍ ശ്രദ്ധിക്കേണ്ട കാര്യങ്ങളെക്കുറിച്ച് ഡ്രൈവറെ പറഞ്ഞ് മനസ്സിലാക്കി കൊടുക്കുന്നു.