ന്യൂയോര്‍ക്ക്: സിറിയക്കു മേല്‍ അമേരിക്ക നടത്തുന്ന മനുഷ്യാവകാശ നിഷേധത്തിനും ഉപരോധത്തിനും എതിരേ യു.എന്‍ സുരക്ഷാ കൗണ്‍സിലില്‍ എതിര്‍പ്പുമായി റഷ്യയും ചൈനയും രംഗത്ത്. സിറിയന്‍ ജനതക്കു മേല്‍ രാസായുധ പ്രയോഗം അനിയന്ത്രിതമായി ഉപയോഗിക്കുന്നതിനെതിരേയും യു.എന്നില്‍ ഇരു രാജ്യങ്ങളും വീറ്റോ ചെയ്തു.

ബൊളീവിയയും പ്രമേയത്തെ എതിര്‍ത്തപ്പോള്‍ കസാകിസ്ഥാന്‍,എത്യോപ്യ,ഈജിപ്ത് എന്നീ രാജ്യങ്ങള്‍ വോട്ടെടുപ്പില്‍ നിന്ന് വിട്ടുനിന്നു.

കഴിഞ്ഞ അഞ്ചു വര്‍ഷത്തിനിടെയുള്ള റഷ്യയുടെ ഏഴാമത്തെ വീറ്റോയാണിത്. സിറിയന്‍ ആക്രമണത്തിനെതിരേ യു.എന്‍ സുരക്ഷാ കൗണ്‍സിലില്‍ ചൈന അഞ്ചു വീറ്റോയും ചെയ്തിട്ടുണ്ട്.

2011 മുതല്‍ കഴിഞ്ഞ ആറു വര്‍ഷത്തിനിടെ സിറിയയില്‍ ആഭ്യന്തര യുദ്ധത്തില്‍ നാലു ലക്ഷത്തിലധികം ജനങ്ങളാണ് കൊല്ലപ്പെട്ടത്. രാജ്യത്തെ ജനസംഖ്യയുടെ പകുതിയിലധികം ആളുകളും ഇതിനകം യുദ്ധം മൂലം കുടിയേറ്റം നടത്തുകയും ചെയ്തിട്ടുണ്ട്.

റഷ്യയുടെയും യു.എസിന്റെയും നേതൃത്വത്തില്‍ നടന്ന മധ്യസ്ഥതയില്‍ 2013ല്‍ രാസായുധങ്ങള്‍ നശിപ്പിക്കാന്‍ തീരുമാനിച്ചിരുന്നു. എന്നാല്‍ ഇപ്പോള്‍ കരാര്‍ ലഘിച്ചാണ് സിറിയന്‍ പ്രസിഡന്റ് ബശ്ശാര്‍ അല്‍ അസദ് അമേരിക്കന്‍ പിന്തുണയോടെ സിറിയന്‍ ജനതക്കു മേല്‍ രാസായുധ പ്രയോഗങ്ങള്‍ തുടരുന്നത്.