ബംഗളൂരു: ലോക്‌സഭാ തെരഞ്ഞെടുപ്പിനോടനുബന്ധിച്ച് രാഷ്ട്രീയ പാര്‍ട്ടിയില്‍ ചേരുമെന്നുള്ള പ്രഖ്യാപനം തിരുത്തി ആക്ടിവിസ്റ്റും നടനുമായ പ്രകാശ് രാജ്. പാര്‍ട്ടികള്‍ക്ക് ആത്മാര്‍ഥതയില്ലെന്നും അതിനാല്‍ ഒരു രാഷ്ട്രീയ പാര്‍ട്ടികളിലേക്കുമില്ലെന്ന് അദ്ദേഹം പറഞ്ഞു.

ബംഗളൂരു സെന്‍ട്രല്‍ മണ്ഡലത്തില്‍നിന്ന് സ്വതന്ത്രനായി മത്സരിക്കാന്‍ തീരുമാനിച്ചു. മൂന്ന് മാസത്തില്‍ കൂടുതല്‍ ഒരു പാര്‍ട്ടിയിലും നില്‍ക്കാന്‍ തനിക്കു സാധിക്കില്ല . തനിക്ക് ജനങ്ങളുടെ ശബ്ദമാവണമെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു.