കൊച്ചി: ഇന്ത്യന്‍ മെഡിക്കല്‍ അസോസിയേഷന്‍ സംസ്ഥാന കലാസാംസ്‌കാരിക വിഭാഗത്തിന്റെ ഈ വര്‍ഷത്തെ പ്രവര്‍ത്തനോദ്ഘാടനം കവിയും ഗാനരചയിതാവുമായ ആര്‍.കെ ദാമോദരന്‍ കൊച്ചി ഐ.എം എ ഹൗസില്‍ നിര്‍വഹിച്ചു.
ഐ.എം.എ കലാസാംസ്‌കാരിക വിഭാഗം സംസ്ഥാന ചെയര്‍മാന്‍ ഡോ.മനോജ് കെ.ടി, സംസ്ഥാന പ്രസിഡന്റ് ഡോ.എബ്രഹാം വര്‍ഗീസ്, സംസ്ഥാന സെക്രട്ടറി ഡോ.പി. ഗോപികുമാര്‍, കൊച്ചി ബ്രാഞ്ച് പ്രസിഡന്റ് ഡോ. രാജീവ് ജയദേവന്‍, സെക്രട്ടറി ഡോ. ശാലിനി, ഡോ.വേണുഗോപാല്‍ എന്നിവര്‍ പ്രസംഗിച്ചു.
ഡോ. ധന്യ, ഡോ. ഷീജ, ഡോ. ജിസി കുര്യന്‍ എന്നിവര്‍ അവതരിപ്പിച്ച നൃത്തങ്ങളും ഡോ. ജോസ് ഗുഡ്‌വില്‍, ഡോ. സിയ, ഡോ. നിജില്‍, ഡോ. വേണുഗോപാല്‍ എന്നിവരുടെ നേതൃത്വത്തിലുള്ള ഗാനസന്ധ്യയും അങ്ങേറി.