കൊണ്ടോട്ടി: പുളിക്കല്‍ അരൂരില്‍ യുവതിയെ വെട്ടിപ്പരിക്കേല്‍പ്പിച്ച സംഭവത്തില്‍ ഭര്‍ത്താവഴ കുനിയില്‍ ഹമീദിനെതിരേ പൊലീസ് ലുക്കൗട്ട് നോട്ടീസ് പുറപ്പെടുവിച്ചു. പുതിയോടത്തുപറമ്പ് ആനക്കുണ്ടുങ്ങല്‍ ഹാജറ(35)യെയാണു പുലര്‍ച്ചെ ഇവര്‍ അത്താഴത്തിന് എഴുന്നേറ്റപ്പോള്‍ വെട്ടിപ്പരിക്കേല്‍പ്പിച്ചത്. ഗുരുതരമായി പരുക്കേറ്റ ഇവര്‍ കോഴിക്കോട് മെഡിക്കല്‍ കോളജ് ആശുപത്രിയില്‍ ചികില്‍സയിലാണ്.വിരലടയാള വിദഗ്ധര്‍ ഇന്നലെ സ്ഥലത്തെത്തി പരിശോധന നടത്തി. കൊണ്ടോട്ടി സി.ഐ.പി.കെ.സന്തോഷിന്റെ നേതൃത്വത്തിലാണ് അന്വേഷണം.
വാതില്‍ത്തുറന്ന് അകത്തു കയറിയ പ്രതി കണ്ണില്‍ മുളകു പൊടി വിതറിയാണു വെട്ടിപ്പരുക്കേല്‍പ്പിച്ചെന്നാണു പൊലീസില്‍ മൊഴി നല്‍കിയത്. ഭര്‍ത്താവുമായി പിരിഞ്ഞു താമസിക്കുന്ന യുവതിയുടെ 10 വയസുള്ള മകന്റെ മുന്നിലിട്ടാണ് കൃത്യം.