കാബൂള്‍: അഫ്ഗാന്‍ തലസ്ഥാനമായ കാബൂളില്‍ താലിബാന്‍ നടത്തിയ ഭീകരാക്രമണങ്ങളില്‍ 16 പേര്‍ കൊല്ലപ്പെട്ടു. ഇന്നലെ രാത്രിയാണ് സംഭവം നടന്നത്.

കാബൂളിന്റെ വിവിധ ഭാഗങ്ങളില്‍ സ്‌ഫോടനം നടന്നു. അന്‍പതോളം പേര്‍ക്ക് പരുക്കേറ്റതായാണ് വിവരം. പശ്ചിമ കാബൂളില്‍ പൊലിസ് ആസ്ഥാനത്തിനു സമീപമാണ് ആദ്യ സ്‌ഫോടനം നടന്നത്. ഇവിടെ 15 പേര്‍ മരണപ്പെട്ടു. തൊട്ടുപിന്നാലെ അഫ്ഗാന്‍ മിലിറ്ററി ഇന്റലിജന്‍സ് ആസ്ഥാനത്തിനുമുന്നിലും സ്‌ഫോടനമുണ്ടായി. ആക്രമണത്തിന്റെ ഉത്തരവാദിത്തം താലിബാന്‍ ഏറ്റെടുത്തു.