കണ്ണൂര്‍: സംസ്ഥാന വാഫി കലോത്സവത്തിന്റെ ഭാഗമായി വാഫി സ്റ്റുഡന്റ്‌സ് ഫെഡറേഷന്‍ മീഡിയ വിങ് സംഘടിപ്പിച്ച കേട്ടെഴുത്ത് ഓണ്‍ലൈന്‍ ക്വിസ് മത്സരത്തിലെ വിജയികളെ ഇന്ന് പ്രഖ്യാപിക്കും. മത സാംസ്‌കാരിക മേഖലയിലെ പ്രമുഖ വ്യക്തിത്വങ്ങളുടെ തിരഞ്ഞെടുക്കപ്പെട്ട പ്രഭാഷണങ്ങളെ അടിസ്ഥാനമാക്കി നടത്തിയ മത്സരത്തില്‍ രണ്ടായിരത്തി അഞ്ഞൂറിലധികം പേരാണ് പങ്കെടുത്തത്. പ്രസംഗങ്ങള്‍ കേട്ടശേഷം മീഡിയവിങ് നല്‍കുന്ന ചോദ്യങ്ങള്‍ക്ക് ഉത്തരം കണ്ടെത്തുന്ന രീതിയിലാണ് കേട്ടെഴുത്ത് ഓണ്‍ലൈന്‍ ക്വിസ് മത്സരം സംഘടിപ്പിച്ചത്.

സമൂഹമാധ്യമങ്ങള്‍ വഴി ഏറെ പ്രചരിച്ച മത്സരത്തില്‍ 365 പേര്‍ മുഴുവന്‍ ശരിയുത്തരം നല്‍കിയതിനെ തുടര്‍ന്ന് ഓണ്‍ലൈന്‍ വോട്ടെടുപ്പിലൂടെയാണ് വിജയിയെ തിരഞ്ഞെടുക്കുന്നത്. അരലക്ഷത്തോളം പേരാണ് ഇതുവരെ പ്രതികരിച്ചത്. ഒന്ന്, രണ്ട്, മൂന്ന് സ്ഥാനങ്ങള്‍ നേടുന്നവര്‍ക്കു യഥാക്രമം 6006, 4004, 2002 രൂപയും പ്രശസ്തിപത്രവും കലോത്സവ വേദിയില്‍ സമ്മാനിക്കും.