പാരീസ്: ചൈനയില്‍ പടര്‍ന്ന് പിടിക്കുന്ന കൊറോണ വൈറസ് ബാധിച്ച് യൂറോപ്പില്‍ ആദ്യ മരണം റിപോര്‍ട്ട് ചെയ്തു. ഫ്രാന്‍സിലാണ് യൂറോപ്പിലെ ആദ്യമരണം റിപ്പോര്‍ട്ട് ചെയ്തത്. ഏഷ്യക്കു പുറത്തുള്ള ആദ്യമരണം കൂടിയാണിത്.
ചൈനയിലെ ഹൂബേ പ്രവിശ്യയില്‍ നിന്നുള്ള വിനോദ സഞ്ചാരിയാണ് മരിച്ചതെന്ന് ഫ്രഞ്ച് ആരോഗ്യമന്ത്രി ആഗ്നസ് ബുസിന്‍ അറിയിച്ചു. ജുവരി 16ന് ഫ്രാന്‍സിലെത്തിയ 80കാരനെ 25നാണ് ആശുപത്രിയില്‍ പ്രവേശിപ്പിച്ചത്.
ഫ്രാന്‍സില്‍ കൂടി മരണം റിപ്പോര്‍ട്ട് ചെയ്യപ്പെട്ടതോടെ ചൈനയ്ക്ക് പുറത്ത് കൊറോണ ബാധിച്ച് മരിച്ചവരുടെ എണ്ണം നാലായി. ജപ്പാനിലും ഹോങ്കോങിലും ഫിലിപ്പീന്‍സിലും നേരത്തേ ഓരോ മരണങ്ങള്‍ റിപ്പോര്‍ട്ട് ചെയ്തിരുന്നു. ഫ്രാന്‍സില്‍ ഇതു വരെ 11 പേര്‍ക്കാണ് കൊറോണ സ്ഥിരീകരിച്ചത്. ചൈനയ്ക്കു പുറത്ത് 25 രാജ്യങ്ങളിലായി 580 പേര്‍ക്ക് കൊറോണ വൈറസ് സ്ഥിരീകരിച്ചതായാണ് റിപ്പോര്‍ട്ട്.