തിരുവനന്തപുരം: അറബി ഭാഷയുടെ പ്രചാരണത്തിനും വളര്‍ച്ചക്കും വിവിധ തലങ്ങളില്‍ സേവനം ചെയ്യുന്നവര്‍ക്ക് കേരള അറബിക് മുന്‍ഷീസ് അസോസിയേഷന്‍ (കെ.എ.എം.എ) വര്‍ഷംതോറും നല്‍കി വരുന്ന വിവിധ അവാര്‍ഡുകള്‍ പ്രഖ്യാപിച്ചു. സി.എച്ച് മുഹമ്മദ് കോയ അവാര്‍ഡിന് റിട്ട. അറബി അധ്യാപകന്‍ എ. യഹ്‌യ കുട്ടി, ശിഹാബ് തങ്ങള്‍ അവാര്‍ഡിന് സംസ്ഥാന അറബിക് സ്‌പെഷല്‍ ഓഫിസര്‍ ഒ. റഹീം, മജീദ് റഹ്മാന്‍ കുഞ്ഞിപ്പ അവാര്‍ഡിന് കിളിമാനൂര്‍ ജി.എച്ച്.എസ്.എസ് പ്രഥമാധ്യാപിക സാഹിലാ ബീവി എന്നിവരെ തിരഞ്ഞെടുത്തു.
ഈ മാസം 24ന് പത്തനംതിട്ടയില്‍ നടക്കുന്ന സംസ്ഥാന സമ്മേളനത്തില്‍ അവാര്‍ഡുകള്‍ വിതരണം ചെയ്യുമെന്ന് സംസ്ഥാന ജനറല്‍ സെക്രട്ടറി എം. തമീമുദ്ദീന്‍, സംസ്ഥാന പ്രസിഡന്റ് എ.എ ജാഫര്‍ അറിയിച്ചു.