താമരശേരി: കട്ടിപ്പാറ ഗ്രാമപഞ്ചായത്ത് ഭരണസമിതിയുടെ നേതൃത്വത്തില്‍ കാരാട്ട് റസാഖ് എം.എല്‍.എക്ക് സ്വീകരണം നല്‍കി. പഞ്ചായത്ത് കോണ്‍ഫറന്‍സ് ഹാളില്‍ നടന്ന വികസന ചര്‍ച്ചയില്‍ എം.എല്‍.എയോടൊപ്പം ജന പ്രതിനിധികളും ഉദ്യോഗസ്ഥരും രാഷ്ട്രീയ പാര്‍ട്ടി പ്രതിനിധികളും പങ്കെടുത്തു. ഗ്രാമപഞ്ചായത്ത് പ്രസിഡന്റ് ബേബി രവീന്ദ്രന്‍ അധ്യക്ഷയായി. വൈസ് പ്രസിഡന്റ് നിധീഷ് കല്ലുള്ളതോട്, സ്ഥിരം സമിതി അധ്യക്ഷന്‍ മാരായ പി.സി തോമസ്, മദാരി ജുബൈരിയ, ബേബി ബാബു,പി.ടി അരവിന്ദന്‍ സംസാരിച്ചു. കൊടുവള്ളി ബ്ലോക്ക് അസി. എക്‌സിക്യൂട്ടീവ് എന്‍ജിനീയര്‍ സന്തോഷ് കുമാര്‍, ടി.സി വാസു, കെ.കെ അപ്പുക്കുട്ടി, കെ.ആര്‍ രാജന്‍, സി.പി നിസാര്‍, എ.ടി ഹരിദാസന്‍, കെയടി മനോജ് കുമാര്‍ ചര്‍ച്ചയില്‍ പങ്കെടുത്തു.