എടപ്പാള്‍: വാടക വീട്ടില്‍ക്കയറി പൂജാരിയെ അടിച്ചുവീഴ്ത്തി സ്വര്‍ണാഭരണങ്ങളും പണവും കവര്‍ച്ചചെയ്ത സംഭവത്തില്‍ രണ്ടണ്ടാംപ്രതി അറസ്റ്റില്‍. വെങ്കിടങ്ങ് സ്വദേശി മമ്മസ്രായി ഇല്ലത്തു വീട്ടില്‍ ഫാസിലാ (30) ണ് പിടിയിലായത്. സുഹൃത്തിനെ കാണാന്‍ കഴിഞ്ഞ ദിവസം രാത്രിയില്‍ പൊന്നാനിയിലെത്തിയ ഇയാളെ രഹസ്യവിവരത്തെ തുടര്‍ന്ന് സി.ഐ എ.ജെ ജോണ്‍സണും സംഘവും അറസ്റ്റ് ചെയ്യുകയായിരുന്നു.
2013 മാര്‍ച്ച് 31ന് എടപ്പാള്‍ ശുകപുരം ആശുപത്രിക്കു സമീപം വാടകവീട്ടില്‍ താമസിക്കുന്ന സോമന്‍ പൂജാരിയെ താമസസ്ഥലത്തുകയറി അടിച്ചുവീഴ്ത്തി നാലര പവന്റെ മാലയും രണ്ടണ്ടു പവന്റെ കൈചെയിനും 12,500 രൂപയും കവര്‍ന്ന കേസിലെ രണ്ടാം പ്രതിയാണ് ഫാസില്‍. ഇയാളെ തെളിവെടുപ്പിനു ശേഷം കോടതിയില്‍ ഹാജരാക്കി റിമാന്‍ഡ് ചെയ്തു. മുന്‍പ് ഒന്നാംപ്രതിയായ വയനാട് സ്വദേശി ഷഫീഖിനെ നാട്ടുകാര്‍ പിടികൂടി പൊലിസില്‍ ഏല്‍പിച്ചിരുന്നു.