പെരുമ്പാവൂര്‍: നഗരമധ്യത്തില്‍ വേസ്റ്റ് കൂട്ടിയിരുന്ന ഒഴിഞ്ഞ് സ്ഥലത്തിന് തീപിടിച്ചത് പരിഭാന്ത്രി പരത്തി. പെരുമ്പാവൂര്‍ ജ്യോതി തിയ്യറിന് സമീപം ലിങ്ക് റോഡില്‍ 10 സെന്റ് വരുന്ന സ്ഥലത്തെ വേസ്റ്റുകള്‍ക്കാണ് തീപിടിച്ചത്.
ഇന്നലെ ഉച്ചയ്ക്ക് മൂന്ന് മണിയോടെയാണ് സംഭവം. സമീപത്തെ വ്യാപാരികളും മറ്റും വേസ്റ്റുകള്‍ ഇട്ടിരുന്നത് ഇവിടെയാണ്. വേസ്റ്റുകള്‍ ഇവിടിയിട്ട് കത്തിക്കുന്നതും പതിവായിരുന്നുവെന്നും ഇത്തരത്തില്‍ കത്തിച്ചതില്‍ നിന്നും തീപടര്‍ന്നാകാം അപകടമെന്നും ഫയര്‍ ഫോഴ്‌സ് പറഞ്ഞു.
ഈ സ്ഥലത്തോട് നിരവധി വസ്ത്ര വ്യാപാര സ്ഥാപനങ്ങളും മറ്റിതര സ്ഥാപനങ്ങളും പ്രവര്‍ത്തിച്ചിരുന്നു. പെരുമ്പാവൂരില്‍ നിന്നും രണ്ട് യൂണിറ്റ് ഫയര്‍ ഫോഴ്‌സ് സംഘം ഒരു മണിക്കൂറോളം നീണ്ട പരിശ്രമത്തിനൊടുവിലാണ് തീയണച്ചത്. ഫയര്‍ ഫോഴ്‌സിന്റെ കൃത്യമായ ഇടപെടല്‍ വന്‍ ദുരന്തം ഒഴിവാക്കുകയായിരുന്നു.