കോട്ടയം: പാമ്പാടി ഗവണ്‍മെന്റ് എന്‍ജിനിയറിംഗ് കോളജില്‍ മെക്കാനിക്കല്‍, സിവില്‍ വിഭാഗങ്ങളിലെ വിദ്യാര്‍ഥികള്‍ ഏറ്റുമുട്ടി. മര്‍ദനമേറ്റ രണ്ടു പേരെ ആശുപത്രിയില്‍ പ്രവേശിപ്പിച്ചു.സംഭവത്തില്‍ 18 പേര്‍ക്കെതിരേ കേസെടുത്തു.
എസ്.എഫ്.ഐയുടെ കൊടി കത്തിച്ചതില്‍ പ്രതിഷേധിച്ച്  എസ്.എഫ.്‌ഐ പഠിപ്പ് മുടക്കിന് ആഹ്വാനം ചെയ്തിരുന്നു.ഒരു വിഭാഗം പഠിപ്പുമുടക്കില്‍  പങ്കെടുക്കാതെ മാറി നിന്നതാണ് പ്രശ്‌നങ്ങള്‍ക്ക് കാരണമെന്ന് പൊലിസ് പറഞ്ഞു. ഇതേ തുടര്‍ന്ന് മെക്കാനിക്കല്‍,സിവില്‍ വിഭാഗങ്ങളിലെ വിദ്യാര്‍ഥികള്‍ ചേരി  തിരിഞ്ഞ് സംഘര്‍ഷമുണ്ടായി.ഇതിനിടയിലാണ് രണ്ടു പേര്‍ക്ക് മര്‍ദ്ദനമേറ്റത്.