തലശ്ശേരി: സൗഹൃദത്തിന്റെ കെട്ടണയാതെ ബ്രണ്ണന്‍ കോളജില്‍ 1974-77 കാലഘട്ടത്തില്‍ ധന തത്വശാസ്ത്ര ബിരുദ പഠനം നടത്തിയവര്‍ 42 വര്‍ഷങ്ങള്‍ക്ക് ശേഷം വീണ്ടും ഒത്തുചേര്‍ന്നു.
ഒരുമിച്ചു പഠിച്ച അതേ ക്ലാസ് മുറികളില്‍ ഇന്നത്തെ അപ്പൂപ്പമാരും അമ്മൂമ്മമാരുമായ പൂര്‍വ വിദ്യാര്‍ഥികളോട് സംവദിച്ചപ്പോള്‍ വേറിട്ടതായി. അടിയന്തിരാവസ്ഥ കാല സമയത്തുള്ള ഓര്‍മകളും അവര്‍ പങ്കുവച്ചു. ഡോ. രവി രാമന്‍ ഉദ്ഘാടനം ചെയ്തു. പി. മോഹനന്‍ അധ്യക്ഷനായി.
പി. സതീദേവി, പ്രൊഫ. രാഘവന്‍, പ്രൊഫ.സിറിയക് മാത്യു, പ്രൊഫ. രാധ എന്നിവരെ ആദരിച്ചു. കെ.രവീന്ദ്രന്‍ കെ.സുകുമാരന്‍ സംസാരിച്ചു. മിടുക്കരായ ധനതത്വശാസ്ത്ര ബിരുദ-ബിരുദാനന്തര വിദ്യാര്‍ഥികള്‍ക്ക് ക്യാഷ് അവാര്‍ഡുകളും ഉപഹാരങ്ങളും നല്‍കാന്‍ തീരുമാനിച്ചു.