കുവൈത്ത് സിറ്റി: വാട്‌സ്ആപ്പിലെ ഓഫര്‍ ചതിയില്‍പ്പെട്ട പ്രവാസിക്ക് നഷ്ടമായത് 98 കുവൈത്തി ദിനാര്‍. ഒരു ഉല്‍പ്പന്നത്തിന് ഓഫറുള്ള വാര്‍ത്ത കണ്ട് വാങ്ങാന്‍ ശ്രമിച്ചതോടെയാണ് പണികിട്ടിയത്. അഞ്ച് ദിനാറിന്റെ പേയ്‌മെന്റ് ലിങ്കില്‍ ക്ലിക്ക് ചെയ്തതോടെയാണ് പണം നഷ്ടമായത്. 

നാല് തവണയാണ് തട്ടിപ്പുകാര്‍ അക്കൗണ്ടില്‍ നിന്ന് പണം പിന്‍വലിച്ചത്. വാട്‌സ്ആപ്പില്‍ കണ്ട ഉല്‍പ്പന്നം വാങ്ങാന്‍ വില്‍പ്പനക്കാരന്‍ അഞ്ച് ദിനാറിന്റെ പേയ്‌മെന്റ് ലിങ്കാണ് അയച്ച് തന്നത്. എന്നാല്‍ ലിങ്കിലൂടെ പണം അടച്ചതിന് ശേഷം അക്കൗണ്ടില്‍ നിന്ന് നിന്ന് അനധികൃതമായി പണം പിന്‍വലിക്കുകയായിരുന്നു. 24.800 ദിനാര്‍ വീതം മൂന്ന് പ്രാവശ്യവും, 24.900 ദിനാര്‍ വീതം നാലാം തവണയും പണം തട്ടി. 

സംഭവത്തില്‍ 47കാരനായ പ്രവാസി ജഹ്‌റ പൊലിസ് സ്റ്റേഷനില്‍ പരാതി നല്‍കി. ബാങ്ക് ഇടപാടില്‍ വ്യാജരേഖ ചമയ്ക്കല്‍ (കേസ് നമ്പര്‍ 90/2024) പ്രകാരമാണ് കേസ് രജിസ്റ്റര്‍ ചെയ്തിട്ടുള്ളത്. 

Fraud by giving offer link through WhatsApp The expatriate lost 98 Kuwaiti dinars