പുലിക്കണ്ണി: കണ്ണിയത്ത് ഉസ്താദും ശംസുല്‍ ഉലമയും മുസ്‌ലിം സമുദായത്തിന്റെ രണ്ടു കെടാവിളക്കുകളാണെന്ന് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍. പുലിക്കണ്ണി ദാറുത്തഖ്‌വ ഇസ്‌ലാമിക് അക്കാദമി കോളജ് കമ്മിറ്റിയുടെ നേതൃത്വത്തില്‍ സംഘടിപ്പിച്ച ആണ്ടുനേര്‍ച്ച ഉദ്ഘാടനം ചെയ്തു സംസാരിക്കുകയായിരുന്നു തങ്ങള്‍.
നേര്‍ച്ചയുടെ ഭാഗമായി മൗലിദ് മജ്‌ലിസും, ഖത്മുല്‍ ഖുര്‍ആന്‍ മജിലിസും അനുസ്മരണ സമ്മേളനവും നടന്നു. എം.എം മുഹിയുദ്ദീന്‍ മൗലവി പതാക ഉയര്‍ത്തി. ദാറുത്തഖ്‌വ പ്രിന്‍സിപ്പലും സമസ്ത തൃശൂര്‍ ജില്ലാ പ്രസിഡന്റുമായ ചെറുവാളൂര്‍ ഹൈദ്രോസ് മുസ്‌ലിയാര്‍ അധ്യക്ഷനായി. സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ മുഖ്യാതിഥിയായിരുന്നു.
അബ്ദുല്‍ ഹക്കീം ഫൈസി ആദൃശേരി മുഖ്യപ്രഭാഷണം നിര്‍വഹിച്ചു.
നവീകരിച്ച ആധുനിക രീതിയിലുള്ള കോളജ് ബാത്ത്‌റൂം ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു. വി.കെ ബീരാന്‍ സാഹിബ്, ഹംസ ബിന്‍ ജമാല്‍ റംലി, ബശീര്‍ ഫൈസി ദേശമംഗലം, സുലൈമാന്‍ ദാരിമി ഏലംകുളം, അബ്ദുല്‍ കരീം ഫൈസി പൈങ്കണ്ണിയൂര്‍, ഹുസൈന്‍ അരീപ്പുറം പങ്കെടുത്തു.