കോഴിക്കോട്: മതേതരത്വവും സമാധാനവും രാജ്യത്ത് നിലനിര്‍ത്താന്‍ പ്രാഥമിക മത സംവിധാനം രാജ്യത്തുടനീളം സാധ്യമാക്കണമെന്ന് സമസ്ത വിദ്യാഭ്യാസ സെമിനാര്‍. കേരള ഇസ്‌ലാം മത വിദ്യാഭ്യാസ ബോര്‍ഡ് പതിനായിരം മദ്‌റസകള്‍ക്ക് അംഗീകാരം നല്‍കിയതോടനുബന്ധിച്ച് കോഴിക്കോട് ടാഗോര്‍ ഹാളില്‍ നടന്ന സെമിനാറിലാണ് ആവശ്യപ്പെട്ടത്. രാജ്യത്ത് വളര്‍ന്ന് വരുന്ന വര്‍ഗീയതയും ഭീകര- തീവ്രവാദ പ്രവര്‍ത്തനങ്ങള്‍ക്കും ഇല്ലായ്മ ചെയ്യാന്‍ മത വിദ്യാഭ്യാസത്തിന്റെ വ്യാപനം അനിവാര്യമാണെന്നും അതിനായുള്ള പദ്ധതികള്‍ ശക്തിപ്പെടുത്താനും സെമിനാര്‍ അവശ്യപ്പെട്ടു.

കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി പതാക ഉയര്‍ത്തിയതോടെയാണ് സെമിനാറിന് തുടക്കം കുറിച്ചത്. സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയതങ്ങള്‍ സെമിനാര്‍ ഉദ്ഘാടനം നിര്‍വഹിച്ചു. കേരള വഖ്ഫ് ബോര്‍ഡ് ചെയര്‍മാന്‍ ടി.കെ ഹംസക്കുള്ള ഉപഹാരവും തങ്ങള്‍ സമര്‍പ്പിച്ചു. സമസ്ത ജന.സെക്രട്ടറി പ്രൊ.കെ.ആലിക്കുട്ടി മുസ്ലിയാര്‍ അദ്ധ്യക്ഷത വഹിച്ചു.'ദ ഹെരിറ്റേജ്' ദൃശ്യാവിഷ്‌കാരം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്തു. ഡോക്യുമെന്ററി പ്രകാശനം സയ്യിദ് ഹമീദലി ശിഹാബ് തങ്ങള്‍ നിര്‍വഹിച്ചു.സെമിനാറിനോടനുബന്ധിച്ച് നടന്ന നാഷണല്‍ ഡെലിഗേറ്റ്‌സ് മീറ്റ് മഹാരാഷ്ട്ര ഖാസി മുഹമ്മദ് അലാഉദ്ദീന്‍ ഖാദിരി പൂനെ ഉദ്ഘാടനം ചെയ്തു.സമസ്ത കേരള ജംഇയ്യത്തുല്‍ മുഅല്ലിമീന്‍ ജന.സെക്രട്ടറി ഡോ.ബഹാഉദ്ദീന്‍ മുഹമ്മദ് നദ്‌വി അദ്ധ്യക്ഷത വഹിച്ചു.

തുടര്‍ന്ന് സെമിനാറിനോടനുബന്ധിച്ച് വിവിധ സെഷനുകള്‍ നടന്നു. 'പൊതു ഇടങ്ങളിലെ മദ്‌റസ' സെഷനില്‍ ഡോ.കെ.എസ് മാധവന്‍ വിഷയാവതരണം നടത്തി. എം.പി പ്രശാന്ത്, കുഞ്ഞിക്കണ്ണന്‍ വാണിമേല്‍, പിണങ്ങോട് അബൂബക്കര്‍ തുടങ്ങിയവര്‍ സംസാരിച്ചു. 'സാമൂഹിക രുപീകരണത്തില്‍ മദ്റസകളുടെ പങ്ക് ' സെഷനില്‍ അബ്ദുസ്സമദ് പൂക്കോട്ടൂര്‍ വിഷയാവതരണം നടത്തി. കെ.അബൂബക്കര്‍, അബ്ദുല്‍ ഹമീദ് ഫൈസി അമ്പലക്കടവ്, ഡോ.ഫൈസല്‍ ഹുദവി മാരിയാട് എന്നിവര്‍ ചര്‍ച്ചയില്‍ പങ്കെടുത്തു. 'ബഹുസ്വര സമൂഹത്തിലെ മദ്‌റസ' സെഷനില്‍ ഓണമ്പിള്ളി മുഹമ്മദ് ഫൈസി, അബ്ദുല്‍ ഹക്കീം ഫൈസി ആദൃശ്ശേരി, സത്താര്‍ പന്തല്ലൂര്‍, ഡോ.ബഷീര്‍ പനങ്ങാങ്ങര പങ്കെടുത്തു. 'മദ്‌റസ പുതുയുഗത്തിലേക്ക് ' സെഷനില്‍ ഡോ.എന്‍.എ.എം അബ്ദുല്‍ഖാദിര്‍ വിഷയാവതരണം നടത്തി. യു.മുഹമ്മദ് ശാഫി ഹാജി, നാസര്‍ ഫൈസി കൂടത്തായി, ഹംസ റഹ്മാനി കൊണ്ടിപ്പറമ്പ് സംസാരിച്ചു.

മികച്ച മദ്‌റസകള്‍ക്കുള്ള കോട്ടുമല ടി.എം ബാപ്പു മുസ്ലിയാര്‍ സ്മാരക അവാര്‍ഡ് കോഴിക്കോട് ഖാസി സയ്യിദ് നാസര്‍ ഹയ്യ് ശിഹാബ് തങ്ങള്‍ വിതരണം ചെയ്തു. വിശിഷ്ട സേവനത്തിനുള്ള പുരസ്‌കാരം ഹാജി പി.കെ മുഹമ്മദിന് സി.കെ.എം സ്വാദിഖ് മുസ്ലിയാര്‍ നല്‍കി.ഹാജി സുന്നി അഫ്കാര്‍ സ്‌പെഷ്യല്‍ പതിപ്പ് ശേര്‍മാന്‍ അലി അഹ്മദ് ആസാം,എം.എല്‍.എ പ്രകാശനം ചെയ്തു.ആസാദി പവലിയന്‍ വഖ്ഫ് ബോര്‍ഡ് ചെയര്‍മാന്‍ ടി.കെ ഹംസ ഉദ്ഘാനം ചെയ്തു.