പെരുമ്പാവൂര്‍: മാരകായുധങ്ങളുമായി കാറില്‍ സഞ്ചരിച്ചിരുന്ന ക്വട്ടേഷന്‍ സംഘത്തെ പൊലിസ് പിടികൂടി.
വടിവാള്‍ തുടങ്ങിയ മരകായുധങ്ങളുമായി കാറില്‍ സഞ്ചരിക്കുന്നതിനിടെ നിരവധി ക്രിമിനല്‍ കേസുകളിലെ പ്രതിയും കൊട്ടേഷന്‍ ലീഡറുമായ പാണംകുഴി മാനാങ്കുഴി ലാലു (21), അകനാട് കുന്നുമ്മേല്‍ വിഷ്ണു ഭാസി (22) എന്നിവരാണ് കുറുപ്പംപടി പൊലീസ്പിടിയിലായത്.
ഇവര്‍ സഞ്ചരിച്ചിരുന്ന കാറില്‍ നിന്നും മൂന്ന് വടിവാളും കണ്ടെടുത്തു. ഇരുവര്‍ക്കുമെതിരെ നിരവധി ക്രിമിനല്‍ കേസുകള്‍ കുറുപ്പംപടി, കോടനാട് സ്റ്റേഷനുകളില്‍ ഉണ്ട്. കഴിഞ്ഞ ഒക്ടോബറില്‍ ക്രാരിയേലി പള്ളി പെരുന്നാളിനോടനുബന്ധിച്ച് സംഘം ചേര്‍ന്ന് യുവാവിനെ ആയുധങ്ങളുമായി ആക്രമിച്ച് പരിക്കേല്‍പിച്ചതില്‍ ഇരുവരും കൂട്ടുപ്രതികളാണ്. സംഭവത്തില്‍ ഒന്നാം പ്രതിയായ ലാലു.
പ്രതികള്‍ പൊലിസിന് പിടി തരാതെ ഒളിവില്‍ കഴിയുകയായിരുന്നു. കുറുപ്പംപടി പ്രിന്‍സിപ്പല്‍ എസ്.ഐ പി.എം ഷമീറിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ വാഹനപരിശോധനക്കിടെയാണ് അറസ്റ്റ്. പ്രതികളുടെ ലക്ഷ്യത്തെ കുറിച്ച് അന്വേഷിച്ച് വരികായാണെന്ന് പൊലിസ് പറഞ്ഞു എസ്.ഐ സാലി, എ.എസ്.ഐമാരായ ജോയ്, എല്‍ദോ, എസ്.സി.പി.ഒമാരായ മോഹനന്‍, ബിജു, ഷിജിത് എന്നിവരും പ്രതികളെ പിടികൂടിയ സംഘത്തിലുണ്ടായിരുന്നു. പ്രതികളെ കോടതിയില്‍ ഹാജരാക്കി റിമാന്റ് ചെയ്തു.