കൊച്ചി: എറണാകുളം ജില്ല പഞ്ചായത്തിന്റെ 2016-17 വാര്‍ഷിക പദ്ധതി രൂപീകരണത്തിന്റെ ഭാഗമായി ഗ്രാമസഭ ഇന്നു രാവിലെ 10.30ന് ജില്ല പഞ്ചായത്ത് പ്രിയദര്‍ശിനി ഹാളില്‍ ചേരും.
ജില്ല പഞ്ചായത്തംഗങ്ങള്‍, ബ്ലോക്ക് പഞ്ചായത്ത് പ്രസിഡന്റുമാര്‍, ബ്ലോക്ക് പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍മാര്‍, ഗ്രാമപഞ്ചായത്ത് പ്രസിഡന്റുമാര്‍ എന്നിവര്‍ പങ്കെടുക്കും. വൈസ്പ്രസിഡന്റ് അഡ്വ. ബി.എ അബ്ദുള്‍ മുത്തലിബിന്റെ അധ്യക്ഷതയില്‍ ചേരുന്ന യോഗം പ്രസിഡന്റ് ആശ സനില്‍ ഉദ്ഘാടനം ചെയ്യും.
തുടര്‍ന്ന് വികേന്ദ്രീകൃത ആസൂത്രണവും ഗ്രാമസഭകളും സാമൂഹ്യ പങ്കാളിത്തത്തിന് പുതിയ അജണ്ട എന്ന വിഷയത്തില്‍ കില മുന്‍ ഡയറക്ടര്‍ ഡോ. രമാകാന്തന്‍ പ്രഭാഷണം നടത്തും.