മലപ്പുറം: അഞ്ചുതവണ ജേതാക്കളായ ആതിഥേയര്‍ ഇന്ന് ആദ്യ പോരാട്ടത്തിനിറങ്ങും. ഇന്ന് 7ന് കോട്ടപ്പടി മൈതാനത്ത് കരുത്തരായ സിക്കിം പൊലിസുമായാണ് മത്സരം.
ഇന്ത്യന്‍ താരം ഐ.എം വിജയന്‍ ഇത്തവണ കളത്തിലിറങ്ങുന്നത് ടീമിന് കാര്യമായ ആത്മ വിശ്വാസം നല്‍കും. ടീം കോച്ച് കെ. സുനിലിന്റെ നേതൃത്വത്തില്‍ അവസാനവട്ട പരിശീലനം പൂര്‍ത്തിയാക്കിയിട്ടുണ്ട്. കഴിഞ്ഞ തവണ കശ്മിരില്‍ നടന്ന ടൂര്‍ണമെന്റില്‍ ആദ്യറൗണ്ടില്‍ തന്നെ ടീം പുറത്തായിരുന്നു. യുവാക്കളുടെ ടീം മാസങ്ങള്‍ക്ക് മുമ്പേ തയാറെടുപ്പുകള്‍ നടത്തിയിട്ടുണ്ട്.