ആലപ്പുഴ: പശ്ചിമ ബംഗാളിലെ പട്ടാള ക്യാംപില്‍ നിന്ന് അപ്രത്യക്ഷനായ വടക്കനാര്യാട് സ്വദേശി ഷിബിന്‍ തോമസ് വീട്ടിലെത്തി.
പട്ടാളക്കാരന്റെ അവകാശങ്ങള്‍ അറിയാന്‍ വിവരാവകാശ നിയമപ്രകാരം അപേക്ഷ നല്‍കിയതിനെ തുടര്‍ന്ന് ഷിബിനെ പട്ടാളത്തില്‍നിന്ന് പിരിച്ചുവിട്ടിരുന്നു. തുടര്‍ന്നാണ് കാണാതായത്. അടുത്തിടെ ബറ്റാലിയനില്‍നിന്ന് തരംതാഴ്ത്തിയ ഷിബിനെ ബംഗ്ലാദേശ് അതിര്‍ത്തിയിലേക്ക് മാറ്റിയിരുന്നു. പിന്നീട് ആഴ്ചകളായി യാതൊരു വിവരവും വീട്ടുകാര്‍ക്കില്ലായിരുന്നു. പട്ടാളത്തില്‍നിന്ന് പുറത്താക്കിയെങ്കിലും രാജ്യത്തെ ദുരിതംപേറുന്ന പട്ടാളക്കാരുടെ അവകാശങ്ങള്‍ക്കായി പോരാടുമെന്ന് ഷിബിന്‍ പറഞ്ഞു.