കുട്ടനാട്: മൈസൂര്‍ ആസ്ഥാനമാക്കി പ്രവര്‍ത്തിക്കുന്ന ആര്‍.എല്‍.എച്ച്.പി യുടെയും ടി.ഡി.എച്ച് ജര്‍മനിയുടെയും വെള്ളപ്പൊക്കദുരിതാശ്വാസ പ്രവര്‍ത്തനങ്ങളുടെ ഭാഗമായി ചമ്പക്കുളം പഞ്ചായത്തിലെ ഒന്ന്, രണ്ട്, മൂന്ന് വാര്‍ഡുകളിലെ പ്രളയബാധിതര്‍ക്ക് കോഴിക്കുഞ്ഞുങ്ങളെ നല്‍കി. 60 കുടുംബങ്ങള്‍ക്ക് 30 കോഴികുഞ്ഞുങ്ങള്‍ വീതമാണ് നല്‍കിയത്.
നെടുമുടി മേരിക്യൂന്‍ ചര്‍ച്ച് ഹാളില്‍ നടന്ന ചടങ്ങില്‍ ആര്‍.എല്‍.എച്ച്.പി ഡയറക്ടര്‍ ജോയിമാളിക്കേല്‍ അധ്യക്ഷനായി. വിതരണോദ്ഘാടനം നാലാം വാര്‍ഡ് മെംബര്‍ മറിയാമ്മാ ഫ്രാന്‍സിസും മൂന്നാം വാര്‍ഡ് മെംബര്‍ മിനിയും ചേര്‍ന്ന് നിര്‍വഹിച്ചു.