പാലക്കാട്: വിസ്ഡം ഗ്ലോബല്‍ ഇസ്‌ലാമിക് മിഷന്റെ ഭാഗമായി എം.എസ്.എം സംസ്ഥാന സമിതി സംഘടിപ്പിക്കുന്ന പ്രൊഫഷണല്‍ വിദ്യാര്‍ഥി ഗ്ലോബല്‍ കോണ്‍ഫറന്‍സ് പ്രോഫ്‌കോണ്‍ 10ന്  വൈകിട്ട് അഞ്ചിന് പാലക്കാട് പുതുനഗരത്തില്‍ പ്രത്യേകം സജ്ജാമാക്കിയ പന്തലില്‍ ഗബ്രിയേല്‍ അല്‍ റൊമാനി (കാനഡ) ഉദ്ഘാടനം ചെയ്യുമെന്ന്  'ഭാരവാഹികള്‍ വാര്‍ത്താസമേമളനത്തില്‍ അറിയിച്ചു.
മൂന്ന് ദിവസങ്ങളിലായി അഞ്ച് വേദികളില്‍ സംഘടിപ്പിക്കുന്ന സമ്മേളനത്തില്‍ ഇംഗ്ലീഷ്, മലയാളം, അറബി, തമിഴ്, ഉറുദു ഭാഷകളിലുള്ള 38 സെഷനുകളിലാണ് സമ്മേളനം നടക്കുന്നത്. ഇന്ത്യയിലെ പ്രമുഖ പ്രൊഫഷണല്‍ സ്ഥാപനങ്ങളില്‍ നിന്നുള്ള 7000ത്തോളം വിദ്യാര്‍ഥികള്‍ സമ്മേളനത്തില്‍ പങ്കെടുക്കം. ഇന്ത്യക്കകത്തു നിന്നും വിദേശ രാജ്യങ്ങളില്‍ നിന്നുമുള്ള അക്കാദമിക് വിദഗ്ദരും പണ്ഡിതന്മാരും വിഷയാവതരണം നടത്തും.