റിയാദ്: നാല് വർഷമായി നാട്ടിൽ പോകാനാകാതെ കുടുങ്ങിയ മലയാളി ഉൾപ്പെടെ ദുരിതത്തിലായ പത്തോളം ഇന്ത്യക്കാർ സാമൂഹ്യ പ്രവർത്തകരുടെ ഇടപെടലിനെ തുടർന്ന് നാടണഞ്ഞു. നാലു വ​ർ​ഷ​മാ​യി നാ​ട്ടി​ൽ പോ​കാ​നാ​വാ​തെ വി​ഷ​മ​ത്തി​ലാ​യി​രു​ന്ന ബു​റൈ​ദ ഖു​ദ്​​റ​യി​ലെ പെ​ട്രോ​ൾ പ​മ്പ്​ ജീ​വ​ന​ക്കാ​ര​ൻ കൊ​ല്ലം കൊ​ട്ടാ​ര​ക്ക​ര സ്വ​ദേ​ശി താ​ജു​ദ്ദീ​നാ​ണ്​ നാടണഞ്ഞ മലയാളി.

 

        മൂ​ന്നു​വ​ർ​ഷ​മാ​യി ഇ​ഖാ​മ പു​തു​ക്കാ​ൻ ക​ഴി​യാ​തെ ബു​റൈ​ദ​യി​ലെ പ്ര​മു​ഖ മാ​ൻ​പ​വ​ർ സ​പ്ലൈ ക​മ്പ​നി​യി​ൽ ദു​രി​ത​ത്തി​ൽ ക​ഴി​ഞ്ഞ ഒ​മ്പ​ത് ഇ​ന്ത്യ​ക്കാ​രെയുമാണ് മലയാളി സാമൂഹ്യ പ്രവർത്തകർ ഇടപെട്ട് നാട്ടിലേക്കയച്ചത്. വ​ർ​ഷ​ങ്ങ​ളാ​യി രേ​ഖ​യി​ല്ലാ​ത്തതിനാൽ നാ​ട്ടി​ൽ​പോ​കാ​ൻ ക​ഴി​യാ​തെ വി​ഷ​മി​ക്കു​ക​യാ​യി​രു​ന്ന യുപി, ബി​ഹാ​ർ, മ​ധ്യ​പ്ര​ദേ​ശ് എ​ന്നി​വി​ട​ങ്ങ​ളി​ൽ​നി​ന്നു​ള്ളവരാണിവർ. മാ​സ​ങ്ങ​ളാ​യി ലേ​ബ​ർ കോ​ട​തി​യി​ൽ കേ​സു​മാ​യി ന​ട​ന്ന ശേ​ഷ​മാ​ണ്​ ഇ​വ​ർ സ്വ​ദേ​ശ​ത്തേ​ക്കു​ മ​ട​ങ്ങി​യ​ത്.

       കൊ​ല്ലം കൊ​ട്ടാ​ര​ക്ക​ര സ്വ​ദേ​ശി താ​ജു​ദ്ദീ​ൻ ര​ണ്ടു വ​ർ​ഷ​മാ​യി ഇ​ഖാ​മ​യു​ടെ കാ​ലാ​വ​ധി ക​ഴി​ഞ്ഞ അ​വ​സ്ഥ​യി​ലാ​യി​രു​ന്നു. നാ​ലു മാ​സ​ത്തോ​ള​മാ​യി ജോ​ലി ന​ഷ്​​ട​പ്പെ​ടു​ക​യും ചെ​യ്തു. ഇ​തി​നി​ട​യി​ൽ ഫെ​ബ്രു​വ​രി ആ​റി​ന്​ ബു​റൈ​ദ മു​ന്ത​സ​യി​ൽ ന​ട​ന്ന വാ​ഹ​നാ​പ​ക​ട​ത്തി​ൽ പ​രി​ക്കേ​റ്റ്​ കൂ​ടു​ത​ൽ പ്ര​യാ​സ​ക​ര​മാ​യ അ​വ​സ്ഥ​യി​ലാ​വു​ക​യും ചെ​യ്​​തു. ബു​റൈ​ദ കെ.​എം.​സി.​സി ജീ​വ​കാ​രു​ണ്യ വി​ഭാ​ഗം ചെ​യ​ർ​മാ​ൻ ഫൈ​സ​ൽ ആ​ല​ത്തൂ​രി​​ന്റെ ഇടപെടലാണ് താ​ജു​ദ്ദീ​ന്​​ തു​ണ​യാ​യ​ത്.

 

      ഐ.​സി.​എ​ഫ്, ഖ​സീം പ്ര​വാ​സി സം​ഘം എ​ന്നീ സം​ഘ​ട​ന​ക​ളു​ടെ സ​ഹാ​യ​ത്തോ​ടെയാണ് ആ​ശു​പ​ത്രി​യി​ൽ ചി​കി​ത്സ നേടിയത്. യാ​ത്ര​ക്കു​ള്ള വി​മാ​ന ടി​ക്ക​റ്റ് മു​ബാ​റ​ക്ക് പ​ട്ടാ​മ്പി ന​ൽ​കി. ബു​റൈ​ദ കെഎം​സിസി ഓ​ഫി​സി​ൽ ന​ട​ന്ന ച​ട​ങ്ങി​ൽ ശ​രീ​ഫ് ത​ല​യാ​ട്, ഫൈ​സ​ൽ മ​ല്ലാ​ട്ടി, ജ​അ​ഫ​ർ വാ​ഴ​ക്കാ​ട്, സ​ബീ​ൽ ഫാ​റൂ​ഖ് എ​ന്നി​വ​ർ സം​ബ​ന്ധി​ച്ചു. 

 

       ഇവരുടെ മോചനത്തിനായി ഫൈസൽ ആലത്തൂരിന്റെ ശ്രമഫലമായി ഇ​ന്ത്യ​ൻ എം​ബ​സി​യും വി​ദേ​ശ​കാ​ര്യ മ​ന്ത്രാ​ല​യ​വും ഉ​ൾ​പ്പെ​ടെ ഇ​ട​പെ​ട്ടി​രു​ന്നു.