കുവൈത്ത് സിറ്റി: താമസക്കാരോട് ബയോമെട്രിക് വിരലടയാള നടപടിക്രമങ്ങള്‍ പൂര്‍ത്തിയാക്കാന്‍ അഭ്യര്‍ഥിച്ച് കുവൈത്ത് ആഭ്യന്തര മന്ത്രാലയം. ദിവസവും രാവിലെ 8 മുതല്‍ രാത്രി 8 വരെ ക്രിമിനല്‍ എവിഡന്‍സ് ജനറല്‍ ഡിപ്പാര്‍ട്ട്‌മെന്റ് കേന്ദ്രങ്ങളില്‍ വിരലടയാള നടപടിക്രമങ്ങള്‍ നടത്താം. മെറ്റാ പ്ലാറ്റ്‌ഫോം, സാഹേല്‍ ആപ്പ് എന്നിവടങ്ങളിലൂടെ അപ്പോയിന്റ്‌മെന്റ് കരസ്ഥമാക്കണമെന്ന് മന്ത്രാലയം സമൂഹമാധ്യമമായ എക്‌സിലൂടെ അറിയിച്ചു.

പ്രവാസികള്‍ക്ക് ഡിസംബര്‍ 31 വരെയും, കുവൈത്ത് സ്വദേശികള്‍ക്ക് കഴിഞ്ഞ മാസം അവസാനം വരെയുമായിരുന്നു ബയോമെട്രിക് വിരലടയാള നടപടിക്രമങ്ങള്‍ക്ക് ആഭ്യന്തര മന്ത്രാലയം സമയം അനുവദിച്ചിരുന്നത്. ക്രിമിനല്‍ എവിഡന്‍സ് ജനറല്‍ ഡിപ്പാര്‍ട്ട്‌മെന്റ് ഡയറക്ടര്‍ മേജര്‍ ജനറല്‍ ഈദ് അല്‍അവൈഹാന്‍ പറയുന്നത് പ്രകാരം 50,000ല്‍ അധികം പേര്‍ ഇനിയും നടപടികള്‍ പൂര്‍ത്തിയാക്കാനുണ്ട്. അതേസമയം നടപടികള്‍ പൂര്‍ത്തിയാക്കുന്നതില്‍ പരാജയപ്പെട്ടവരുടെ എല്ലാ ഇടപാടുകളും ഘട്ടംഘട്ടമായി നിര്‍ത്തിവയ്ക്കാനുള്ള ഉത്തരവ് നല്‍കിയിട്ടുണ്ട്.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക

The Kuwait Ministry of Interior has instructed residents to finalize their biometric procedures, ensuring compliance with the country's regulations and streamlining identification processes.