താനൂര്‍: താനൂര്‍ പണ്ടാരകടപ്പുറത്ത് വീണ്ടും അക്രമം. അക്രമത്തിനിടെ കോപ്പിന്റെ പുരക്കല്‍ സാദിഖ്(18)നെ സംഘം ചേര്‍ന്നു അക്രമിച്ചു.
താനൂരില്‍ നിന്നു ആല്‍ബസാറിലേക്കു സുഹൃത്തിനൊപ്പം ബൈക്കില്‍ പോവുകയായിരുന്ന സാദിഖിനെ പണ്ടാരകടപ്പുറം  കെ. പി സി റോഡിനു സമീപം വെച്ചു അക്രമികള്‍ തടഞ്ഞു നിര്‍ത്തുകയും മര്‍ദിക്കുകയുമായിരുന്നു. കഴിഞ്ഞ ആഴ്ച ഈ പ്രദേശങ്ങളില്‍ നടന്ന സംഘര്‍ഷത്തിന്റെ തുടര്‍ച്ചായാണിതെന്നാണ് പോലിസ് നിഗമനം. തീര ദേശങ്ങളില്‍ നടന്ന സംഘര്‍ഷങ്ങളില്‍ പ്രതികളായവരുടെ നേതൃത്വത്തിലാണു അക്രമങ്ങള്‍ തുടരുന്നത്. സംഭവത്തില്‍ താനൂര്‍ പോലിസ് കേസെടുത്ത് അന്വേഷണമാരംഭിച്ചിട്ടുണ്ട്.