പൊന്നാനി:  പുതുപൊന്നാനി എ.യു.പി.സ്‌കൂളില്‍ സാമൂഹ്യ വിരുദ്ധരുടെ വിളയാട്ടം. സ്‌കൂളിലെ  വിദ്യാര്‍ഥികള്‍ ഉപയോഗിക്കുന്ന ഏഴു കുടിവെള്ള ടാപ്പുകളും ക്ലാസ് മുറികളുടെ വാതിലുകളും  ജനലുകളും സാമൂഹ്യ വിരുദ്ധര്‍ തകര്‍ത്തു. കഴിഞ്ഞ ദിവസം രാത്രിയിലായിരുന്നു സംഭവം.രാവിലെ  സ്‌കൂളില്‍ അധ്യാപകരെത്തിയപ്പോഴാണ് സംഭവം ശ്രദ്ധയില്‍ പെട്ടത്. തുടര്‍ന്ന് പൊന്നാനി പൊലിസില്‍  വിവരമറിയിച്ചു. പ്രദേശത്ത് സാമൂഹ്യ വിരുദ്ധരുടെ വിളയാട്ടം വര്‍ധിച്ചുവരികയാണ്.  രാത്രികാലങ്ങളില്‍ മദ്യപാനികളും മറ്റു ലഹരി വസ്തുക്കള്‍ ഉപയോഗിക്കുന്നവരുംസ്‌കൂള്‍  കേന്ദ്രീകരിച്ചാണ് തമ്പടിക്കുന്നതെന്ന പരാതിയും ഉയര്‍ന്നിട്ടുണ്ട്.