കൊച്ചി: ഇറ്റലിയില്‍ നിന്ന് കൊച്ചിയിലെത്തിയ മൂന്നു വയസ്സുള്ള കുട്ടിക്കും കൊവിഡ് 19. കുഞ്ഞ് കളമശ്ശേരി മെഡിക്കല്‍ കോളജില്‍ ഐസൊലേഷന്‍ വാര്‍ഡില്‍ ചികിത്സയിലാണ്. ശനിയാഴ്ചയാണ് കുട്ടി നെടുമ്പാശ്ശേരി വിമാനത്താവളത്തില്‍ എത്തിയത്. ദുബായ് വഴിയാണ് ഇവര്‍ കൊച്ചിയിലെത്തിയത്. എമിറേറ്റസ്503 വിമാനത്തിലെ സഹയാത്രികര്‍ പരിശോധനക്കെത്തണം.

കുട്ടിയുടെ മാതാപിതാക്കളുടെ സ്രവം പരിശോധനക്കയച്ചു. ഇതോടെ കേരളത്തില്‍ കൊറോണ സ്ഥിരീകരിച്ചവരുടെ എണ്ണം ആറായി. പത്തനംതിട്ടയിലാണ് കഴിഞ്ഞ ദിവസം അഞ്ചുപേര്‍ക്ക് രോഗം സ്ഥിരീകരിച്ചത്. ഇറ്റലിയില്‍ നിന്നെത്തിയവരാണ് ആറു പേരും.

അതീവ ജാഗ്രതയിലാണ് കേരളം. 24 മണിക്കൂറും പ്രവര്‍ത്തിക്കുന്ന കൊവിഡ് 19 കോള്‍ സെന്റര്‍ സജ്ജമാക്കിയിട്ടുണ്ട്. ടോള്‍ ഫ്രീ നമ്പര്‍ 1056. സംശയങ്ങള്‍ക്കും വിവരങ്ങള്‍ കൈമാറുന്നതിനും 0471-2309250, 2309251, 2309252

പത്തനംതിട്ട കണ്‍ട്രോള്‍ റൂം നമ്പര്‍ 04682228220, 04682322515, 9188923118, 9188803119

കൊച്ചി കണ്‍ട്രോള്‍ റൂം നമ്പര്‍ 0484 2368802