പുത്തനത്താണി: കാടാമ്പുഴയിലെ മുനമ്പം റോഡില്‍ വാഹനപരിശോധനയ്ക്കിടെ ബൈക്ക് യാത്രക്കാരനില്‍നിന്ന 2, 62,000 രൂപയുടെ കുഴല്‍പ്പണം പിടികൂടി. പുന്നത്തല സ്വദേശി വെളിച്ചപ്പാട്ടില്‍ മുസ്തഫ (47) യെയാണ് കഴിഞ്ഞ ദിവസം വൈകിട്ട് കാടാമ്പുഴ പൊലിസ് പിടികൂടിയത്.
കാടാമ്പുഴയിലും പരിസരങ്ങളിലും വിതരണം ചെയ്യുന്നതിനു കൊണ്ടണ്ടുവന്നതായിരുന്നു പണം. ഇയാളില്‍നിന്നു ബൈക്കും മൊബൈലും പൊലിസ് കസ്റ്റഡിയിലെടുത്തു. എസ്.ഐ മഞ്ജിത്‌ലാലിനു പുറമേ എ.എസ്.ഐ സുരേഷ്‌കുമാര്‍, സി.പി.ഒ മനോജ് എന്നിവരും അന്വേഷണ സംഘത്തിലുണ്ടണ്ട്. മുസ്തഫയെ കോടതിയില്‍ ഹാജരാക്കി.