തൃശൂര്‍: സമസ്ത കേരള സുന്നി സ്റ്റുഡന്റ്‌സ് ഫെഡറേഷന്‍ തൃശൂര്‍ ജില്ലാ കമ്മിറ്റിയും മാലിക് ബിന്‍ ദീനാര്‍ ഇസ്‌ലാമിക് കോംപ്ലക്‌സ് (എം.ഐ.സി)യും സംയുക്തമായി സംഘടിപ്പിക്കുന്ന ജില്ലാ ഇഫ്താര്‍ മീറ്റ് നാളെ തൃശൂര്‍ എം.ഐ.സിയില്‍ നടക്കും.
ഇഫ്താറിനോട് അനുബന്ധിച്ച് നടക്കുന്ന സൗഹൃദ സദസ് വൈകിട്ട് 5.30 ന് കൃഷി വകുപ്പ് മന്ത്രി വി.എസ് സുനില്‍കുമാര്‍ ഉദ്ഘാടനം ചെയ്യും. സമസ്ത കേന്ദ്ര മുശാവറ അംഗങ്ങളായ സയ്യിദ് മുഹമ്മദ് കോയ ബാഅലവി തങ്ങള്‍ (എസ്.എം.കെ തങ്ങള്‍) ശൈഖുനാ എം.എം മുഹിയുദ്ധീന്‍ മൗലവി, ശൈഖുനാ ചെറുവാളൂര്‍ ഹൈദ്രോസ് മുസ്‌ലിയാര്‍, ഖത്തര്‍ ഇസ്‌ലാമിക് സെന്റര്‍ പ്രസിഡന്റ് അബൂബക്കര്‍ ഖാസിമി, എം.ഐ.സി കേന്ദ്ര കമ്മിറ്റി പ്രസിഡന്റ് ആര്‍.വി സിദ്ധീഖ് മുസ്‌ലിയാര്‍, പി.എ സൈതു മുഹമ്മദ് ഹാജി, അഡ്വ: എന്‍.ഷംസുദ്ധീന്‍ എം.എല്‍.എ, മുന്‍ എം.പി പി.സി ചാക്കോ, തുടങ്ങി മത സാമൂഹിക സാംസ്‌കാരിക രംഗത്തെ പ്രമുഖര്‍ പങ്കെടുക്കും.
എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റും എം.ഐ.സി ഇമാമുമായ ഓണമ്പിളളി മുഹമ്മദ് ഫൈസി, എം.ഐ.സി തൃശൂര്‍ യൂനിറ്റ് പ്രസിഡന്റ് സി.എ മുഹമ്മദ് ഹനീഫ, സെക്രട്ടറി കെ.എം ഷറഫുദ്ദീന്‍, എസ്.കെ.എസ്.എസ്.എഫ് ജില്ലാ പ്രസിഡന്റ് സിദ്ധീഖ് ബദ്‌രി, ജനറല്‍ സെക്രട്ടറി ഷെഹീര്‍ ദേശമംഗലം  അറിയിച്ചു.