നിലമ്പൂര്‍: കുടുംബത്തോടൊപ്പം കാട്ടില്‍ വനവിഭവങ്ങള്‍ ശേഖരിക്കുന്നതിനിടെ കാട്ടുപന്നിയുടെ ആക്രമണത്തില്‍ ആദിവാസി യുവാവിനു പരുക്കേറ്റു. ചാലിയാര്‍ പഞ്ചായത്തിലെ വെണ്ണേക്കോട് ആദിവാസി കോളനിയിലെ വേലായുധ (40) നാണ് പരുക്കേറ്റത്. എട്ടാം ബ്ലോക്കില്‍ മണിക്കമുടിക്ക് താഴെ രാവിലെ എട്ടോടെയാണ് സംഭവം.
തലയ്ക്കും കാലിനും പരുക്കേറ്റ വേലായുധനെ നിലമ്പൂര്‍ ജിലാ ആശുപത്രിയില്‍ പ്രവേശിപ്പിച്ചു. ഒപ്പമുണ്ടായിരുന്ന ഭാര്യ റീസ, മക്കളായ ഉണ്ണിക്കുട്ടന്‍, സുധീഷ്, അച്ചുട്ടന്‍, ശ്രീക്കുട്ടന്‍ എന്നിവര്‍ തലനാരിഴയ്ക്കാണ് രക്ഷപ്പെട്ടത്. നായകള്‍ ഓടിക്കുന്നതിനിടെ കുതിച്ചെത്തിയ കാട്ടുപന്നി വേലായുധനെ കുത്തിത്തെറിപ്പിച്ചു കടന്നുപോകുകയായിരുന്നു. തെറിച്ചുവീണപ്പോള്‍ കല്ലില്‍ ഇടിച്ചാണ് പരുക്കേറ്റത്.