തിരുവനന്തപുരം: സ്ത്രീകള്‍ക്കെതിര അതിക്രമങ്ങളുമായി ബന്ധപ്പെട്ട എം.എല്‍.എമാരുടെ ചോദ്യങ്ങള്‍ക്ക് കൃത്യമായി മറുപടി ലഭിക്കുന്നില്ലെന്ന് ആരോപിച്ച് നിയമസഭയില്‍ പ്രതിപക്ഷ ബഹളം. പ്രതിപക്ഷ നേതാവ് രമേശ് ചെന്നിത്തലാണ് ആരോപണം ഉന്നയിച്ചത്. സി.പി.ഐ എം.എല്‍.എമാരുടെ ചോദ്യങ്ങള്‍ക്ക് പോലും ഉത്തരം ലഭിക്കുന്നില്ലെന്ന് അദ്ദേഹം കുറ്റപ്പെടുത്തി. നിരവധി ദിവസങ്ങളിലായി ചോദിച്ച ചോദ്യങ്ങള്‍ വ്യക്തമാക്കിയായിരുന്നു ചെന്നിത്തല സഭയില്‍ സംസാരിച്ചത്. ഇതുമായി ബന്ധപ്പെട്ട് സ്പീക്കറുടെ റൂളിങ് വേണമെന്നും രമേശ് ചെന്നിത്തല ആവശ്യപ്പെട്ടു.

തുടര്‍ന്ന് പ്രതിപക്ഷത്തിന്റെ ആവശ്യം പ്രധാനപ്പെട്ടതാണെന്നും ചോദ്യങ്ങള്‍ക്ക് കൃത്യമായി മറുപടി ലഭിക്കാന്‍ നടപടി സ്വീകരിക്കണമെന്നും കാട്ടി സ്പീക്കര്‍ റൂളിങ് നല്‍കി. മന്ത്രിമാര്‍ ജാഗ്രതയോടെ ഉത്തരം നല്‍കണമെന്നും സ്പീക്കര്‍ വ്യക്തമാക്കി.സഭാ നടപടികള്‍ പുരോഗമിക്കുകയാണ്.