കൊറോണ വൈറസ് ( കൊവിഡ്-19 ) വ്യാപനത്തിന്റെ പശ്ചാത്തലത്തില്‍ കേരള പബ്ലിക് സര്‍വിസ് കമ്മിഷന്റെ എല്ലാ ഓഫിസുകളിലും പഞ്ചിങ് താല്‍കാലികമായി നിര്‍ത്തിവയ്ക്കാന്‍ തീരുമാനിച്ചു.
കൂടാതെ പ്രമാണപരിശോധന, സര്‍വിസ് വെരിഫിക്കേഷന്‍, ഉദ്യോഗാര്‍ഥികള്‍ക്ക് നേരിട്ട് നിയമനശിപാര്‍ശ നല്‍കല്‍ എന്നിവ ഈ മാസം 20 വരെ നിര്‍ത്തിവച്ചു. ഈ മാസം നടത്താനിരുന്ന കാറ്റഗറി നമ്പര്‍ 331/18, 332/18, 333/18, 334/18 എന്നീ വിജ്ഞാപനങ്ങള്‍ പ്രകാരമുളള റിപ്പോര്‍ട്ടര്‍ ഗ്രേഡ് 2 (മലയാളം), കാറ്റഗറി നമ്പര്‍ 539/17, 134/11 വിജ്ഞാപനങ്ങള്‍ പ്രകാരമുളള കോണ്‍ഫിഡന്‍ഷ്യല്‍ അസിസ്റ്റന്റ് ഗ്രേഡ് 2 (പട്ടികജാതിപട്ടികവര്‍ഗക്കാര്‍ക്കുളള നിയമനം, പട്ടികവര്‍ഗക്കാര്‍ക്ക് മാത്രം) എന്നീ തസ്തികകളുടെ ഡിക്‌റ്റേഷന്‍ ടെസ്റ്റ്, കാറ്ററി നമ്പര്‍ 41/19 വിജ്ഞാപന പ്രകാരം പൊലിസ് കോണ്‍സ്റ്റബിള്‍ (ഐ.ആര്‍.ബി.) തസ്തികയുടെ ഒ.എം.ആര്‍. പരീക്ഷ എന്നിവ മാറ്റി വച്ചു. ഈ മാസം 20 വരെ നടത്താന്‍ നിശ്ചയിച്ചിരുന്ന കാറ്റഗറി നമ്പര്‍ 120/17 വിജ്ഞാപന പ്രകാരമുളള ഫോറസ്റ്റ് ഡ്രൈവര്‍, കാറ്റഗറി നമ്പര്‍ 65/18 വിജ്ഞാപനപ്രകാരമുളള എറണാകുളം ജില്ലയിലെ സിവില്‍ എകെ്‌സെസ് ഓഫീസര്‍ (എന്‍.സി.എ. -എസ്.സി.സി.സി.), കാറ്റഗറി നമ്പര്‍ 653/17 വിജ്ഞാപന പ്രകാരമുളള വനിതാ പൊലിസ് കോണ്‍സ്റ്റബിള്‍, കാറ്റഗറി നമ്പര്‍ 626/17 മുതല്‍ 634/17 വരെയുളള വിവധ എന്‍.സി.എ. സമുദായങ്ങള്‍ക്ക് വേണ്ടി വിജ്ഞാപനം ചെയ്ത വനിതാ പൊലിസ് കോണ്‍സ്റ്റബിള്‍ എന്നീ തസ്തികകളുടെ കായികക്ഷമതാപരീക്ഷ മാറ്റിവച്ചു.
11 ന് നടത്താന്‍ നിശ്ചയിച്ചിരുന്ന വകുപ്പുതല ഓണ്‍ലൈന്‍ പരീക്ഷ ഏപ്രില്‍ 5 ലേയ്ക്ക് മാറ്റി. വകുപ്പുതല പരീക്ഷകളുടെ സര്‍ട്ടിഫിക്കറ്റുകളുടെ നേരിട്ടുളള വിതരണം 20 വരെ നിര്‍ത്തിവച്ചു. മുന്‍ നിശ്ചയിച്ച പ്രകാരമുളള അഭിമുഖങ്ങള്‍ക്ക് മാറ്റമില്ല. എന്നാല്‍ കോവിഡ് 19 വ്യാപനം കാരണമായി അഭിമുഖത്തില്‍ പങ്കെടുക്കാന്‍ കഴിയാത്തവര്‍ക്ക് മറ്റൊരു അവസരം നല്‍കുന്നതാണ്.