കൊല്ലം: പാരിപ്പള്ളി മെഡിക്കല്‍ കോളജിലെ പിന്‍വാതില്‍ നിയമനത്തിലെ അഴിമതി അന്വേഷിക്കണമെന്ന് യു.ഡി.എഫ് ജില്ലാ കണ്‍വീനര്‍ ഫിലിപ്പ് കെ തോമസ് ആവശ്യപ്പെട്ടു. മെഡിക്കല്‍ കോളജിലെ താല്‍ക്കാലിക നിയമനങ്ങള്‍ എംപ്ലോയിമെന്റ് എക്‌സ്‌ചേഞ്ചുകള്‍ മുഖാന്തിരം നടത്തണമെന്ന നിര്‍ബന്ധിത നിയമം കാറ്റില്‍ പറത്തിയാണ് പിന്‍വാതില്‍ നിയമനങ്ങള്‍ യഥേഷ്ടം നടക്കുന്നതെന്നും അദ്ദേഹം പ്രസ്താവനയില്‍ പറഞ്ഞു.