പാലക്കാട്: യുവാക്കള്‍ പ്രകൃതി സംരക്ഷണത്തിന് ഊന്നല്‍ നല്‍കി ക്രിയാത്മകമായി പ്രവര്‍ത്തിക്കണമെന്ന് പാലക്കാട് ഡിവിഷണല്‍ ഫോറസ്റ്റ് ഓഫിസര്‍ സാമുവല്‍ വലാന്‍ ഗേത്ത പാച്ചോ ഐ.എഫ്.എസ് പറഞ്ഞു. ജെ.സി.ഐ എം.എ.പ്ലൈ എന്‍ജി.ഒ ചാപ്റ്ററിന്റെ ചാര്‍ട്ടര്‍ പ്രസിഡന്റ് ഡോ. ദിലീപ് കുഞ്ചേറിയുടെ സ്ഥാനാരോഹണ ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മിസോറാം (നോര്‍ത്ത് ഈസ്റ്റില്‍) നിന്നും സിവില്‍ സര്‍വ്വീസ് നേടി കേരളത്തി ലേക്ക് ജോലിക്ക് വരാന്‍ ആശങ്കകളുണ്ടായിരുന്നു. എന്നാല്‍ സ്ഥലവും സൗകര്യങ്ങള്‍ക്കുമപ്പുറം രാജ്യത്തിനെ സേവിക്കേണ്ട കര്‍മ്മബോധത്തെകുറിച്ച് മാതാപിതാക്കള്‍ നല്‍കിയ ഉള്‍ക്കരുത്താണ് മൈലുകള്‍ താണ്ടിയെത്തി ഈ കൊച്ചു കേരളത്തിലെ സിവില്‍ സര്‍വ്വന്റായതെന്നു സാമുവല്‍ പറഞ്ഞു.
കെ.പി.എം. റീജന്‍സിയില്‍ നടന്ന ചടങ്ങില്‍ ജിസ ജോമോന്‍ അധ്യക്ഷനായി. സി.പി. അബ്ദുല്‍സലാം, ശങ്കരനാരായണന്‍, നിഖില്‍ കൊടിയത്തൂര്‍, ഡോ. അരവിന്ദ് നായര്‍ പ്രസംഗിച്ചു. 25 ചാപ്റ്റര്‍ മെമ്പര്‍മാരുടെ സത്യപ്രതിജ്ഞയും നടന്നു.