കൊടുവള്ളി: കിഴക്കോത്ത് കാവിലുമ്മാരത്ത് നിര്‍ധന കുടുംബത്തിന്റെ വീട് പൂര്‍ണമായും തകര്‍ന്നു വീണു. സ്ത്രീകളും കുട്ടികളും ഉള്‍പ്പെടെ വീട്ടിലുണ്ടായിരുന്ന ഒന്‍പതു പേര്‍ക്ക് പരുക്കേറ്റു.
കാവിലുമ്മാരം വേറക്കുന്നുമ്മല്‍ ഷാജി എന്ന രാജന്റെ വീടാണ് കഴിഞ്ഞ ദിവസം രാത്രി 9.30ഓടെ തകര്‍ന്നത്. സംഭവസമയത്ത് കുട്ടിയുടെ ജന്മദിനാഘോഷം നടക്കുകയായിരുന്നു. ഓട്, പട്ടിക ഉള്‍പ്പടെ വീടിന്റെ മേല്‍ക്കൂര പൂര്‍ണമായും ദ്രവിച്ചു തകര്‍ന്നു വീണു. പരുക്കേറ്റ ലസിത(38), ഷാലി(39), മിനി (35) എന്നിവരെ കോഴിക്കോട് മെഡിക്കല്‍ കോളജിലും ഷാജി, ഷീബ (36), സയന (10), ഷീജ(34), അശ്വിന്‍ ദാസ് (18), ഷിബിന്‍ ലാല്‍(18) എന്നിവരെ താമരശ്ശേരി ഗവ. ആശുപത്രിയിലും പ്രവേശിപ്പിച്ചു.