ഉദുമ: ചന്ദ്രഗിരി റൂട്ടില്‍ ചളിയങ്കോടിനു സമീപം കോട്ടരുവത്ത് മണ്ണിടിഞ്ഞ് അപകടാവസ്ഥയിലായ പ്രദേശം റവന്യൂ മന്ത്രി ഇ ചന്ദ്രശേഖരന്‍ സന്ദര്‍ശിച്ചു. ജില്ലാ കലക്ടര്‍ ഇ ദേവദാസന്‍, സി.പി.ഐ ജില്ലാ സെക്രട്ടറി ഗോവിന്ദന്‍ പളളിക്കാപ്പില്‍ തുടങ്ങിയവരും മന്ത്രിക്കൊപ്പമുണ്ടായിരുന്നു. മന്ത്രിയും കലക്ടറും നേരത്തെ ഇവിടെ യുദ്ധകാലാടിസ്ഥാനത്തിലുള്ള നവീകരണ പ്രവൃത്തികള്‍ നടത്താന്‍ കെ.എസ്.ടി.പിയോട് നിര്‍ദേശിച്ചിരുന്നു. അതേ സമയം, ഇന്നലെ പെയ്ത മഴ പാതയോരത്തെ പാര്‍ശ്വ ഭിത്തികളുടെ നിര്‍മാണത്തെ ബാധിച്ചു. ആവശ്യമായ സൗകര്യങ്ങളൊരുക്കി ഏതു വിധേനയും പെട്ടെന്നു ജോലി പൂര്‍ത്തിയാക്കുമെന്നു മന്ത്രി പറഞ്ഞു.