കണ്ണൂര്‍: മതിലുകെട്ടലല്ല, മതിലുപൊളിക്കലാണ് നവോത്ഥാനമെന്നും നവോത്ഥാന ചരിത്രത്തില്‍ കമ്യൂണിസ്റ്റുകള്‍ക്ക് ഒരു പങ്കുമില്ലെന്നും സംസ്‌ക്കാരസാഹിതി സംസ്ഥാന ചെയര്‍മാന്‍ ആര്യാടന്‍ ഷൗക്കത്ത്. സംസ്്ക്കാര സാഹിതി സാംസ്‌കാരിക യാത്രക്ക് കണ്ണൂര്‍ സ്റ്റേഡിയം കോര്‍ണറില്‍ നല്‍കിയ സ്വീകരണത്തില്‍ സംസാരിക്കുകയായിരുന്നു അദ്ദേഹം.
സ്വാതന്ത്ര്യസമരത്തിനൊപ്പം ക്ഷേത്രപ്രവേശനത്തിനും അയിത്തോഛാടനത്തിനും വേണ്ടി പോരാടി പരിഷ്‌ക്കരണംകൊണ്ടുവന്നത് കോണ്‍ഗ്രസും ദേശീയ പ്രസ്ഥാനമാണെന്നും വ്യക്തമാക്കി. ജില്ലാ ചെയര്‍മാന്‍ സുരേഷ്‌കൂത്തുപറമ്പ് അധ്യക്ഷനായി. കെ.പി.സി.സി ജനറല്‍ സെക്രട്ടറി അഡ്വ. സജി ജോസഫ്, കെ. സുരേന്ദ്രന്‍, എന്‍.വി പ്രദീപ്കുമാര്‍, പ്രദീപ് പയ്യന്നൂര്‍, കാരയില്‍ സുകുമാരന്‍, അനി വര്‍ഗീസ്, കെ.എം ഉണ്ണികൃഷ്ണന്‍, ജോഷി കണ്ടത്തില്‍, സുരേഷ്ബാബു എളയന്നൂര്‍, മാര്‍ട്ടിന്‍ ജോര്‍ജ്, റിജുല്‍ മാക്കുറ്റി, പി.സി രാമകൃഷ്ണന്‍ സംസാരിച്ചു.
ശ്രീകണ്ഠാപുരത്തെ സ്വീകരണത്തില്‍ അഡ്വ. വി.എ അഗസ്റ്റ്യന്‍ അധ്യക്ഷനായി. ജാഥാ വൈസ് ക്യാപ്റ്റന്‍ എന്‍.വി പ്രദീപ്കുമാര്‍, പ്രദീപ് പയ്യന്നൂര്‍, കാരയില്‍ സുകുമാരന്‍, കെ.എം ഉണ്ണികൃഷ്ണന്‍, ഡി.സി.സി ജനറല്‍ സെക്രട്ടറി കെ.പി ഗംഗാധരന്‍, പി.ജെ ആന്റണി, എം.ഒ മാധവന്‍, പി.പി ചിത്രാംഗദന്‍ സംസാരിച്ചു. മട്ടന്നൂരില്‍ നല്‍കിയ സ്വീകരണത്തില്‍ കെ.വി ജയചന്ദ്രന്‍ അധ്യക്ഷനായി. ആര്യാടന്‍ ഷൗക്കത്ത്, ഡി.സി.സി ജനറല്‍ സെക്രട്ടറി വി.ആര്‍ ഭാസ്്ക്കരന്‍, കെ.പി പ്രഭാകരന്‍, ടി.വി രവീന്ദ്രന്‍, രാജേഷ് തില്ലങ്കരി സംസാരിച്ചു. ജില്ലയിലെ പര്യടനത്തിനു ശേഷം സാംസ്‌ക്കാരിക യാത്ര ഇന്ന് കോഴിക്കോട് ജില്ലയിലേക്ക് പ്രവേശിക്കും.