കൊച്ചി: സി.എം.പി-സി.പി.എം ലയനത്തിന് താല്‍ക്കാലിക വിലക്ക്. എറണാകുളം പ്രിന്‍സിപ്പല്‍ മുന്‍സിഫ് കോടതിയാണ് നാളെ നടക്കാനിരിക്കുന്ന ലയനത്തിന് താല്‍ക്കാലിക വിലക്ക് ഏര്‍പ്പെടുത്തിയിരിക്കുന്നത്. ലയനത്തിനെതിരേ സി.എം.പി സ്ഥാപകന നേതാവ് എം.വി രാഘവന്റെ മകനും സംസ്ഥാന ജനറല്‍ സെക്രട്ടറിയുമായ എം.വി രാജേഷ് നല്‍കിയ ഹരജിയിലാണ് കോടതി നടപടി. എം.വി രാജേഷിന് കോടതിയില്‍ നിന്ന് പുറത്താക്കിയതും കോടതി തടഞ്ഞു.

ലയന തീരുമാനം സി.എം.പി ഭരണഘടനയ്ക്ക് വിരുദ്ധമാണെന്നും ഈ നീക്കം നിയമവിരുദ്ധമായി പ്രഖ്യാപിക്കണമെന്നും ആവശ്യപ്പെട്ടാണ് എം.വി രാജേഷ് ഹരജി നല്‍കിയത്. ലയനതീരുമാനത്തെ തടഞ്ഞ കോടതി അതിന് നേതൃത്വം നല്‍കുന്ന നേതാക്കള്‍ക്ക് അടിയന്തര നോട്ടീസ് അയയ്ക്കാനും ഉത്തരവിട്ടിരുന്നു.

നാളെ കൊല്ലത്തായിരുന്നു ലയനസമ്മേളനം നടക്കാനിരുന്നത്. പാര്‍ട്ടി കോണ്‍ഗ്രസ് എന്ന ഉന്നതാധികാര സമിതിക്ക് മാത്രമേ ലയന തീരുമാനമെടുക്കാന്‍ അധികാരമുള്ളൂവെന്ന ഹരജിക്കാരന്റെ വാദം കോടതി അംഗീകരിച്ചു.