വലന്‍സിയയുടെ അഞ്ച് താരങ്ങള്‍ക്കും അസിസ്റ്റന്റ് കോച്ചിനും കൊറോണ. ടീം മാനേജ്‌മെന്റാണ് ഇക്കാര്യം അറിയിച്ചത്. എന്നാല്‍ പ്രതിരോധ താരം ഇസക്വിയല്‍ ഗാരെ രോഗമുള്ള വിഷയം ഇന്‍സ്റ്റഗ്രാമിലൂടെയാണ് സ്ഥീരീകരണം ലോകത്തോട് പറഞ്ഞത്. എല്ലാവരും വീട്ടില്‍ നീരീക്ഷണത്തിലാണ്. ലാലിഗയിലെ ആദ്യം കൊവിഡ് ബാധിച്ചത് ഗാരെയെയാണ്. പൂര്‍ണ ആരോഗ്യവാനാണെന്നും പേടിക്കാനൊന്നുമില്ലെന്നും താരം കൂട്ടിച്ചേര്‍ത്തു.

ആസ്‌ത്രേലിയന്‍ റഗ്ബിയുടെ ആസ്ഥാനം അടച്ചു
കൊവിഡ് പശ്ചാത്തലത്തില്‍ ആസ്‌ത്രേലിയന്‍ റഗ്ബി അസോസിയേഷന്റെ സിഡ്‌നിയില്‍ സ്ഥിതിചെയ്യുന്ന ഹെഡ്ക്വാര്‍ട്ടര്‍ രണ്ടു ദിവസത്തേക്ക് അടച്ചു. രണ്ട് താരങ്ങള്‍ സ്വയം ഐസൊലേഷന്‍ കരുതലിലായതോടെയാണിത്. 72 മണിക്കൂറിനുള്ളില്‍ ഇവര്‍ പരിശോധനയ്ക്ക വിധേയരാവും.

=അടുത്ത ആഴ്ചത്തേക്ക് മാറ്റിവച്ച ചാംപ്യന്‍സ് ലീഗ്, യൂറോപ്പാ ലീഗ് മത്സരങ്ങള്‍ വീണ്ടും നീട്ടിവച്ചു. 2020 യൂറോ കപ്പിനും അനിശ്ചിതം.
= ഈ ആഴ്ച നടക്കാനിരുന്ന ആസ്‌ത്രേലിയന്‍ ഗ്രാന്‍പ്രി കാറോട്ടമത്സരം മാറ്റിവച്ചു. ജൂണില്‍ തുടങ്ങുമെന്ന് അധികൃതര്‍ അറിയിച്ചു.
= എന്‍.ബി.എല്‍ ടീമായ ഉറ്റാ ജാസിന്റെ രണ്ട് താരങ്ങള്‍ക്ക് കൊവിഡ് സ്ഥിരീകരിച്ചു. ഇവരുടെ പരിശോധനാഫലം പോസിറ്റീവ് ആയി തെളിഞ്ഞതോടെയാണിത്. ഇതോടെ എന്‍.ബി.എല്‍ സീസണ്‍ മാറ്റിവച്ചു.
= ലങ്കന്‍ പര്യടനത്തില്‍ നിന്നും ഇംഗ്ലണ്ട് ടീം പിന്‍മാറി
= എ.ടി.പിയുടെ പുരുഷന്‍മാരുടെ ആറ് ആഴ്ചത്തെ മത്സരങ്ങളെല്ലാം മാറ്റിവച്ചു