കൊല്ലം: വായനവാരാചരണത്തിന്റെ ഭാഗമായുള്ള ജന്‍വിജ്ഞാന്‍ യാത്രയുടെ പൊതുസമ്മേളനം ഉദ്ഘാടനം ഇന്ന് ഉച്ചക്ക് രണ്ടിന് കെ സോമപ്രസാദ് എം.പി ശാസ്താംകോട്ട പഞ്ചായത്ത് കമ്മ്യൂനിറ്റി ഹാളില്‍ നിര്‍വഹിക്കും. കോവൂര്‍ കുഞ്ഞുമോന്‍ എം.എല്‍.എ യാത്രയുടെ ജില്ലാതല ഉദ്ഘാടനം നിര്‍വഹിക്കും.
ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ്, പി.എന്‍ പണിക്കര്‍ ഫൗണ്ടേഷന്‍, വിദ്യാഭ്യാസ വകുപ്പ്, ലൈബ്രറി കൗണ്‍സില്‍, ജില്ലാ സാക്ഷരതാ മിഷന്‍ എന്നിവയുടെ സംയുക്താഭിമുഖ്യത്തിലാണ് പരിപാടി സംഘടിപ്പിക്കുന്നത്.
ശാസ്താംകോട്ട ഗ്രാമപഞ്ചായത്ത് പ്രസിഡന്റ് റ്റി.ആര്‍ ശങ്കരപിള്ള അധ്യക്ഷനാകും. ജില്ലാ സാക്ഷരതാ മിഷന്‍ കോ ഓര്‍ഡിനേറ്റര്‍, സമ്പൂര്‍ണ പ്രാഥമിക വിദ്യാഭ്യാസ പരിപാടി അതുല്യം പ്രഖ്യാപനം ജില്ലാ പഞ്ചായത്ത് പ്രസിഡന്റ് കെ ജഗമ്മ നടത്തും.
ജില്ലാ പഞ്ചായത്ത് വൈസ് പ്രസിഡന്റ് പത്താംതരം തുല്യതാ കോഴ്‌സിന്റെ രജിസ്‌ട്രേഷന്‍ ഉദ്ഘാടനം നടത്തും. സര്‍ട്ടിഫിക്കറ്റ് വിതരണം ബ്ലോക്ക് പഞ്ചായത്ത് പ്രസിഡന്റ് സുമ നിര്‍വഹിക്കും. മുതിര്‍ന്ന പഠിതാക്കളെ ജില്ലാ പഞ്ചായത്ത് സ്ഥിരംസമിതി അംഗം ജൂലിയറ്റ് നെല്‍സന്‍ നിര്‍വഹിക്കും.
ജില്ലാ പഞ്ചായത്ത് അംഗം കെ ശോഭന സാക്ഷരതാ പ്രവര്‍ത്തകരെ ആദരിക്കും. ജില്ലാ ലൈബ്രറി കൗണ്‍സില്‍ പ്രസിഡന്റ് ഡോ. പി കെ ഗോപന്‍, ജന്‍ശിക്ഷന്‍ സന്‍സ്ഥാന്‍ ഡയറക്ടര്‍ നടയ്ക്കല്‍ ശശി, ജില്ലാ പഞ്ചായത്ത് സെക്രട്ടറി കെ അനില്‍കുമാര്‍ തദ്ദേശസ്വയംഭരണ സ്ഥാപനങ്ങളിലെ ജനപ്രതിനിധികള്‍ തുടങ്ങിയവര്‍ സംസാരിക്കും.